(ສພຂ) – ວັນທີ 4 ຕຸລາຜ່ານມາ, ໃນໂອກາດມາເຄື່ອນໄຫວວຽກງານທີ່ແຂວງໄຊຍະບູລີ, ທ່ານ ປອ. ລີເບີ ລີບົວປາວ ກໍາມະການສູນກາງພັກ, ປະທານກໍາມາທິການແຜນການ, ການເງິນ ແລະ ການກວດສອບ ໄດ້ມອບອຸປະກອນການຮຽນ, ເຄື່ອງອຸປະໂພກ-ບໍລິໂພກ ແລະ ເງິນສົດ 35 ລ້ານກີບ ໃນນີ້ມີເງິນຈາກຄອບຄົວທ່ານ ພົທ. ສຸວອນ ເລືອງບຸນມີ 5 ລ້ານກີບ ລວມມູນຄ່າ 50 ລ້ານກວ່າກີບ ໃຫ້ແກ່ເມືອງຄອບ ເພື່ອນໍາໄປຊ່ວຍເຫຼືອພໍ່ແມ່ປະຊາຊົນຜູ້ປະສົບໄພພິບັດນໍ້າຖ້ວມ ໂດຍການກ່າວຮັບຂອງທ່ານ ໄລ ອິນທິບ ຮອງເລຂາພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງຄອບ ພ້ອມທັງສະແດງຄວາມຂອບໃຈທີ່ນໍາເອົາຄວາມເປັນຫ່ວງເປັນໄຍມາສູ່ພໍ່ແມ່ປະຊາຊົນ ພ້ອມທັງຈະນໍາເອົາເຄື່ອງ ແລະ ເງິນສົດດັ່ງກ່າວ ໄປມອບຕໍ່ໂດຍໄວ.

(ອິນທີ ຂຽວສີຟ້າ)