ໃນວັນທີ 30 ກັນຍາ 2024, ກໍາມາທິການບັນດາເຜົ່າ ສະພາແຫ່ງຊາດ ແລະ ສະພາປະຊາຊົນແຂວງ ລົງເຄື່ອນໄຫວຕິດຕາມກວດກາການຈັດຕັ້ງປະຕິບັດວຽກງານ 3 ສ້າງ ຢູ່ບ້ານ ໂພນສິມ ນະຄອນໄກສອນພົມວິຫານ ແລະ ບ້ານ ໂພນເດື່ອ ເມືອງອຸທຸມພອນ; ນໍາໂດຍທ່ານ ນາງ ທັດສະດາພອນ ຈັນທະມາດ ຮອງປະທານກໍາມາທິການບັນດາເຜົ່າ ສະພາແຫ່ງຊາດ ແລະ ທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ພ້ອມດ້ວຍຄະນະ ໃຫ້ກຽດຕ້ອນຮັບຄະນະໂດຍ ທ່ານຮອງເຈົ້ານະຄອນ, ຮອງເຈົ້າເມືອງ, ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງນະຄອນ ແລະ ເມືອງ, ການນໍາຂອງເມືອງ, ບັນດາຫົວໜ້າຫ້ອງການ, ການນໍາຂອງບ້ານ, ນາຍບ້ານ ໃຫ້ການຕ້ອນຮັບ.

 

ຈຸດປະສົງຂອງການລົງເຄື່ອນໄຫວຕິດຕາມກວດກາການຈັດຕັ້ງປະຕິບັດວຽກງານ 3 ສ້າງໃນຄັ້ງນີ້, ເພື່ອເກັບກໍາຂໍ້ມູນ ໃນການຈັດຕັ້ງປະຕິບັດວຍກງານທີ່ຜ່ານມາ, ໃນໂອກາດນີ້ທ່ານຮອງກໍາມາທິການບັນດາເຜົ່າ ກໍ່ໄດ້ຍົກໃຫ້ເຫັນຄວາມສໍາຄັນຂອງ ວຽກງານ 03 ສ້າງແມ່ນເປັນວຽກຍຸດທະສາດ ເຊິ່ງບ້ານໂພນສິມ ແລະ ບ້ານໂພນເດື່ອ ກໍ່ແມ່ນບ້ານໜຶ່ງທີ່ເປັນຕົວແບບໃນການປະກອບສ່ວນຂອງປະຊາຊົນໃນການຈັດຕັ້ງປະຕິບັດວຽກງານ 03 ສ້າງ ມີຫຼາຍດ້ານ ທີ່ກາຍເປັນຮູບປະທໍາ, ເປັນຜົນງານອັນໃຫຍ່ຫຼວງ, ຈາກນັ້ນກໍ່ໄດ້ຮັບຟັງການລາຍງານໂດຍຂັງເຂບຈາກນາຍບ້ານ ເຊິ່ງຜົນການປະເມີນມາດຖານສ້າງບ້ານເປັນຫົວໜ່ວຍພັດທະນາຕາມ 04 ດ້ານ 30 ຕົວຊີ້ບອກ,ສະເພາະລະບົບການເມືອງ-ການປົກຄອງ ປະຊາທິປະໄຕ ປະຊາຊົນທີ່ເຂັ້ມແຂງ ມີ 04 ຕົວຊີ້ບອກ ແລະ ພັດທະນາຂົງເຂດວັດທະນະທໍາ-ສັງຄົມ ມີ 07 ຕົວຊີ້ບອກ ບັນລຸໄດ້ທັງໝົດ,ສໍາລັບວຽກສົ່ງເສີມຜະລິດຕະພັນເປັນສິນຄ້າ ແລະ ບໍລິການເປັນວຽກງານໃຈກາງຂອງການສ້າງບ້ານພັດທະນາ ຕິດພັນກັບການປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ ມີ 14 ຕົວຊີ້ບອກ,ບັນລຸໄດ້ 11 ຕົວຊີ້ບອກ ແລະ ບໍ່ບັນລຸ 03 ຕົວຊີ້ບອກ ແລະ ຮັບປະກັນວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ມີ 05 ຕົວຊີ້ບອກ,ບັນລຸໄດ້ 04 ຕົວຊີ້ບອກ ແລະ ບໍ່ບັນລຸ 01 ຕົວຊີ້ບອກ,ຈາກນັ້ນບັນດາທ່ານແຂກຈາກສູນກາງ,ແຂວງ ແລະ ເມືອງ ຍັງໄດ້ແລກປ່ຽນຄໍາຄິດ-ຄໍາເຫັນເຂົ້າໃສ່ໃນການຈັດຕັ້ງປະຕິບັດວຽກງານ 03 ສ້າງຢູ່ພາຍໃນນະຄອນ ແລະ ເມືອງ ເພິ່ມຕື່ມອີກ