(ສພຊ) ເພື່ອຍົກສູງຄວາມເປັນແບບຢ່າງນຳໜ້າໃນຖັນແຖວສະມາຊິກພັກ-ພະນັກງານ ພາຍໃນສະພາແຫ່ງຊາດ ໄດ້ຮັບຮູ້ຕໍ່ຜົນງານການເຄື່ອນໄຫວ ແລະ ການປະກອບສ່ວນຂອງສະມາຊິກຊາວໜຸ່ມປະຊາຊົນປະຕິວັດລາວ ເນື່ອງໃນໂອກາດວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 63 ປີ ( 14/04/1955-14/04/2018) ແລະ ເພື່ອຫວນຄືນປະຫວັດຄວາມເປັນມາ ແລະ ການຕໍ່ສູ້ອັນຍືດເຍື້ອຍາວນານຂອງຊົນຊັ້ນກຳມະກອນຊາວຜູ້ອອກແຮງງານກັບຊົນຊັ້ນສັກດີນາ ເນື່ອງໃນໂອກາດວັນກຳມະກອນສາກົນ) ຄົບຮອບ 132 ປີ (01/05/1886-01/05/2018) ໃນວັນທີ 9 ພຶດສະພາ 2018 ທີ່ສະພາແຫ່ງຊາດ (ຫລັກ 6) ໄດ້ຈັດພິທີປາຖະກະຖາວັນດັ່ງກ່າວຂຶ້້ນ ເຂົ້າຮ່ວມມີທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ, ເລຂາຄະນະພັກສະພາແຫ່ງຊາດ, ຮອງປະທານສະພາແຫ່ງຊາດ, ເລຂາຊາວໜຸ່ມສະພາແຫງຊາດ ພ້ອມດ້ວຍພະນັກງານລັດຖະກອນພາຍໃນສະພາແຫ່ງຊາດເຂົ້າຮ່ວມ.
ຈຸດປະສົງໃນການປາຖະກະຖາໃນຄັ້ງນີ້ ກໍເພື່ອເປັນການທວນຄືນປະຫວັດສາດຄວາມເປັນມາ ແລະ ການຕໍ່ສູ້ອັນຍືດເຍື້ອຍາວນານຂອງຊົນຊັ້ນກຳມະກອນຊາວຜູ້ອອກແຮງງານກັບຊົນຊັ້ນສັກດີນາ; ການປາຖະກະຖາ 2 ວັນສຳຄັນດັ່ງກ່າວ ທ່ານ ວິໄລວົງ ບຸດດາຄຳ ຄະນະປະຈຳພັກ, ປະທານກຳມາທິການແຜນການ, ການເງິນ ແລະ ການກວດສອບໃຫ້ກຽດປາຖະກະຖາກ່ຽວກັບວັນສ້າງຕັ້ງຊາວໜຸ່ມປະຊາຊົນປະຕິວັດລາວ ແລະ ທ່ານ ສີມູນ ອຸ່ນລາສີ ຮອງປະທານສູນກາງສະຫະພັນກຳມະບານ ໃຫ້ກຽດປາຖະຖາກ່ຽວກັບວັນກຳມະກອນສາກົນ ຄົບຮອບ 132 ປີ. ຫລັງຈາກນັ້ນກອງປະຊຸມໄດ້ຮັບຟັງບົດໂອ້ລົມຂອງສະຫາຍ ເລຂາຄະນະບໍລິຫານງານພັກສະພາແຫ່ງຊາດ.
(ໄຊໂສພາພອນ ມິ່ງມຸງຄຸນ)