ໃນວັນທີ 8 ເມສາ 2024 ທ່ານ ສົມຈິດ ຫັບລະກອນ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ ພ້ອມດ້ວຍຄະນະກໍາມະການເສດຖະກິດ ແຜນການ ແລະ ການເງິນ ແລະ ຂະແໜງການທີ່ກ່ຽວຂ້ອງ ຂອງສະພາປະຊາຊົນແຂວງ ເຂົ້າຮ່ວມກອງປະຊຸ    ມ ຄົ້ນຄວ້າ ແລະ ປະກອບຄໍາເຫັນຕໍ່ຮ່າງກົດໝາຍ ວ່າດ້ວຍການສົ່ງເສີມການລົງທຶນ (ສະບັບປັບປຸງ) ໃນຮູບແບບອອນໄລ (video conference) ໂດຍພາຍໃຕ້ການເປັນປະທານຂອງ ທ່ານ ສົມມາດ ພົລເສນາ ຮອງປະທານສະພາແຫ່ງຊາດ, ມີບັນດາທ່ານ ປະທານ, ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ, ພ້ອມດ້ວຍຄະນະກໍາມະການກ່ຽວຂ້ອງ ໃນ 18 ເຂດເລືອກຕັ້ງ, ມີບັນດາທ່ານລັດຖະມົນຕີ, ຮອງລັດຖະມົນຕີ ກະຊວງທີ່ກ່ຽວຂ້ອງ, ກໍາມາທິການກ່ຽວຂ້ອງຂອງສະພາແຫ່ງຊາດ ເຂົ້າຮ່ວມ

ໃນກອງປະຊຸມ ໄດ້ຮັບຟັງທ່ານ ລັດຖະມົນຕີ ກະຊວງແຜນການ ແລະ ການລົງທຶນ ລາຍງານກ່ຽວກັບການກະກຽມຄວາມພ້ອມຂອງຮ່າງກົດໝາຍ ວ່າດ້ວຍການສົ່ງເສີມການລົງທຶນ ຕິດພັນກັບການຄຸ້ມຄອງເຂດເສດຖະກິດພິເສດ (ສະບັບປັບປຸງ) ເພື່ອກຽມສະເໜີຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX. ຫຼັງຈາກນັ້ນ, ທ່ານປະທານກອງປະຊຸມກໍ່ໄດ້ເຈາະຈີ້ມຕໍ່ກອງປະຊຸມ ແລະ ບັນດາທ່ານຜູ້ເຂົ້າຮ່ວມ ທັງສູນກາງ ແລະ ທ້ອງຖິ່ນ ກໍ່ໄດ້ແລກປ່ຽນປະກອບຄໍາຄິດຄໍາເຫັນຕໍ່ ຮ່າງກົດໝາຍດັ່ງກ່າວ ເພື່ອເຮັດໃຫ້ເນື້້ອໃນຄົບຖ້ວນ, ຮັດກຸມ ແລະ ແທດເໝາະກັບສະພາບຕົວຈິງ ກ່ອນທີ່ຈະນໍາເຂົ້າພິຈາລະນາ, ຮັບຮອງເອົາໃນກອງປະຊຸມ

ພາບ-ຂ່າວ: ສູນທອງ