ວັນທີ 26 ມັງກອນ 2024 ນີ້ ຄະນະເລຂາທິການສະພາປະຊາຊົນແຂວງຫົວພັນ ໄດ້ຈັດກອງປະຊຸມ ວຽກງານເລຂາທິການ ສະພາປະຊາຊົນ ແຂວງຫົວພັນ ປະຈໍາປີ 2023 ຂື້ນທີ່ຫ້ອງປະຊຸມ ສະພາປະຊາຊົນແຂວງ ໂດຍການເປັນປະທານຂອງ ທ່ານ ຄຳຟອງ ກົ້ວມີໄຊ ກໍາມະການຄະນະປະຈໍາ, ເລຂາທິການ ສະພາປະຊາຊົນ ແຂວງຫົວພັນ, ເປັນກຽດເຂົ້າຮ່ວມ ຂອງທ່ານ ສົມສັກ ດອນຈານິດ ກຳມະການພັກແຂວງ ຮອງປະທານ ສະພາປະຊາຊົນ ແຂວງຫົວພັນ, ມີບັນດາທ່ານ ຄະນະປະຈຳ, ຄະນະເລຂາທິການ ສະພາປະຊາຊົນແຂວງ, ຫົວໜ້າ, ຮອງຫົວໜ້າ ພະແນກການ, ອົງການລັດທຽບເທົ່າ, ແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນ, ສອງກອງບັນຊາການ, ອົງການໄອຍະການປະຊາຊົນ, ສານປະຊາຊົນ, ຄະນະຈັດຕັ້ງ, ຄະນະໂຄສະນາອົບຮົມ, ລັດວິສາຫະກິດ, ສາຂາທະນາຄານ ແລະ ພະນັກງານວິຊາການ ພາຍໃນ ສະພາປະຊາຊົນແຂວງ ແລະ ວິຊາການຈາກບັນດາພະແນກການເຂົ້າຮ່ວມ.
ໃນວາລະກອງປະຊຸມ ໄດ້ຮັບຟັງບົດສະຫຼຸບການເຄື່ອນໄຫວວຽກງານ ປະຈຳປີ 2023 ແລະ ທິດທາງແຜນການເຄື່ອນໄຫວວຽກງານ ປະຈໍາປີ 2024 ຂອງຄະນະເລຂາທິການ ສະພາປະຊາຊົນແຂວງ ຮັບຟັງບົດປະກອບຄໍາເຫັນຂອງ ຄະນະກໍາມະການ ເສດຖະກິດ, ແຜນການ ແລະ ການເງິນ, ຄະນະກຳມະການ ວັດທະນະທຳ – ສັງຄົມ ແລະ ບັນດາເຜົ່າ ແລະ ຄະນະກໍາມະການ ຍຸຕິທຳ ແລະ ປ້ອງກັນຊາດ – ປ້ອງກັນຄວາມສະຫງົບ ສະພາປະຊາຊົນ ແຂວງຫົວພັນ ກ່ຽວກັບ ຂອດປະ ສານງານ ລະຫວ່າງ ສາມຄະນະກໍາມະການ ກັບພາກສ່ວນກ່ຽວຂ້ອງ ຂອງແຂວງ ໃນໄລຍະຜ່ານມາ
ຈາກນັ້ນ, ບັນດາທ່ານເຂົ້າຮ່ວມກອງປະຊຸມ ໄດ້ປະກອບຄໍາຄິດ, ຄໍາເຫັນ ຕໍ່ບົດສະຫຼຸບ, ທິດທາງ ຂອງ ຄະນະເລຂາທິການ ສະພາປະຊາຊົນແຂວງ ແລະ ການປັບປຸງຂອດປະສານງານ ລະຫວ່າງ ບັນດາພະແນກການ ຂອງແຂວງ ກັບ ຫ້ອງວ່າການແຂວງ, ລະຫວ່າງ ບັນດາພະແນກການຂອງແຂວງ ກໍຄືຫ້ອງວ່າການແຂວງ ກັບ ສາມຄະນະກໍາມະການ ແລະ ຄະນະເລຂາທິການ ສະພາປະຊາ ຊົນແຂວງ ໃຫ້ມີກົມກຽວກັນ ເພື່ອເຮັດໃຫ້ການຈັດຕັ້ງປະຕິບັດວຽກງານການເປັນເສນາທິການໃຫ້ແກ່ການນໍາ ຂອງຕົນດີຂຶ້ນ ແລະ ການສະໜອງຂໍ້ມູນໃຫ້ແກ່ການຕົກລົງບັນຫາສໍາຄັນພື້ນຖານຂອງແຂວງ ແລະ ການກະກຽມເນື້ອໃນ ກອງປະຊຸມ ສະໄໝສາມັນ ຂອງສະພາປະຊາຊົນແຂວງ ໃນຕໍ່ໜ້າໃຫ້ມີຄຸນນະພາບ ແລະ ມີປະສິດທິຜົນດີຂຶ້ນເລື້ອຍໆ
ແລະ ການປັບປຸງຂອດປະສານງານ ລະຫວ່າງ ບັນດາພະແນກການ ຂອງແຂວງ ກັບ ຫ້ອງວ່າການແຂວງ, ລະຫວ່າງ ບັນດາພະແນກການຂອງແຂວງ ກໍຄືຫ້ອງວ່າການແຂວງ ກັບ ສາມຄະນະກໍາມະການ ແລະ ຄະນະເລຂາທິການ ສະພາປະຊາ ຊົນແຂວງ ໃຫ້ມີກົມກຽວກັນ ເພື່ອເຮັດໃຫ້ການຈັດຕັ້ງປະຕິບັດວຽກງານການເປັນເສນາທິການໃຫ້ແກ່ການນໍາ ຂອງຕົນດີຂຶ້ນ ແລະ ການສະໜອງຂໍ້ມູນໃຫ້ແກ່ການຕົກລົງບັນຫາສໍາຄັນພື້ນຖານຂອງແຂວງ ແລະ ການກະກຽມເນື້ອໃນ ກອງປະຊຸມ ສະໄໝສາມັນ ຂອງສະພາປະຊາຊົນແຂວງ ໃນຕໍ່ໜ້າໃຫ້ມີຄຸນນະພາບ ແລະ ມີປະສິດທິຜົນດີຂຶ້ນເລື້ອຍໆ
ຕອນທ້າຍ ກອງປະຊຸມ ທ່ານ ສົມສັກ ດອນຈານິດ ໄດ້ມີຄໍາເຫັນໂອ້ລົມ ຊື່ງກ່ອນອື່ນ ທ່ານສະແດງຄວາມຍ້ອງຍໍຊົມເຊີຍຜົນງານ ທີ່ຄະນະເລຂາທິການ ກໍ່ຄືບັນດາພະນັກງານ-ລັດຖະກອນພາຍໃນ ສະພາປະຊາຊົນແຂວງ ທີ່ຍາດມາໄດ້ໃນໄລຍະ 1 ປີຜ່ານມາ, ພ້ອມທັງເຜີຍແຜ່ພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນແຂວງ ໂດຍຫຍໍ້ ໃຫ້ຜູ້ເຂົ້າຮ່ວມກອງປະຊຸມຮັບຊາບ ແລະ ເໜັ່ນໜັກໃຫ້ ຄະນະເລຂາທິການ ເປັນເຈົ້າການໃນການປັບປຸງແບບແຜນວິທີເຮັດວຽກງານ ໃນເປັນເສນາທິການໃຫ້ແກ່ສະພາປະຊາຊົນນັບມື້ດີຂຶ້ນ, ຮຽກຮ້ອງມາຍັງບັນດາທ່ານເຂົ້າຮ່ວມ
ພາບ ແລະ ຂ່າວ: ສພຂ ຫົວພັນ