ຕອນເຊົ້າວັນທີ 19 ມັງກອນ 2024 ທີ່ຫ້ອງການອົງການກາແດງແຂວງຜົ້ງສາລີ ໄດ້ມີການມອບ-ຮັບເຄື່ອງນຸ່ງຫົ່ມ ເປັນປະເພດເກີບ, ເຄື່ອງເດັກນ້ອຍ ແລະ ເສື້ອ ລວມມູນຄ່າ 27.550.000 ກີບ (ຊາວເຈັດລ້ານຫ້າແສນຫ້າສິບພັນກີບ),​ ເຊິ່ງຕາງໜ້າ ອົງການກາແດງ ມອບໂດຍທ່ານ ນາງ ບົວໄຂ ແກ້ວວິພາກອນ ຫົວໜ້າອົງການກາແດງແຂວງ ແລະ ຕາງໜ້າສະພາປະຊາຊົນແຂວງ ຂຶ້້ນຮັບໂດຍທ່ານ ນາງ ພອນສະຫວັນ ສັກຕິຄຸນ ເລຂາທິການສະພາປະຊາຊົນແຂວງ. ຈຸດປະສົງການມອບເຄື່ອງໃນຄັ້ງນີ້ ເພື່ອນໍາໄປຊ່ວຍເຫຼືອບັນເທົາທຸກໃຫ້ແກ່ປະຊາຊົນຜູ້ທີ່ຂາດແຄນ ເຂດຫ່າງໄກສອກຫຼີກ ຢູ່ບັນດາເມືອງ ໃນເວລາສະພາປະຊາຊົນແຂວງ ລົງຈັດຕັ້ງຜັນຂະຫຍາຍຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ແລະ ສະພາປະຊາແຂວງ

ພາບ-ຂ່າວ: ສູນທອງ