ຕອນເຊົ້າວັນທີ 17 ມັງກອນ 2024 ນີ້ ຢູ່ທີ່ຫ້ອງປະຊຸມຂອງສະພາປະຊາຊົນແຂວງ ກຸ່ມບໍລິບໍລິສັດສີມອນ ພັດທະນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ໄດ້ມອບເງິນໃຫ້ສະພາປະຊາຊົນແຂວງ ຈຳນວນ 15.000.000 ກີບ ເພື່ອນໍາໄປຊ່ວຍເຫລືອຕໍ່ໄຟຟ້າເຂົ້າໂຮງຮຽນປະຖົມບ້ານຕະເຄີງ ເມືອງນາແລ ແຂວງຫຼວງນໍ້າທາ

ໃຫ້ກຽດມອບ ໂດຍ ທ່ານ ນາງ ສີມອນ ແກ້ວວົງເພັດ ປະທານ ຜູ້ບໍລິຫານກຸ່ມບໍລິສັດສີມອນ ພັດທະນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ແລະ ໃຫ້ກຽດຮັບໂດຍ ທ່ານ ຄຳຟອງ ອິນມະນີ ຮອງເລຂາພັກແຂວງ ປະທານສະພາປະຊາຊົນແຂວງ ເຊິ່ງທ່ານກໍໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນມາຍັງກຸ່ມບໍລິບໍລິສັດສີມອນ ພັດທະນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ທີ່ໃຫ້ການຊ່ວຍເຫຼືອໂຮງຮຽນປະຖົມບ້ານຕະເຄີງ ເມືອງນາແລ ໃນຄັ້ງນີ້ ແລະ ຈະນຳເອົາເງິນຈຳນວນດັ່ງກ່າວມອບໃຫ້ໂຮງຮຽນ ເພື່ອໝູນໃຊ້ເຂົ້າໃນວຽກງານທີ່ຈຳເປັນໃຫ້ເກີດປະໂຫຍດສູງສຸດ.