ຕອນບ່າຍຂອງວັນທີ 18 ທັນວາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໄດ້ຜ່ານມະຕິຂອງຄະນະປະຈໍາສະພາປະຊາຊົນແຂວງ ວ່າດ້ວຍ ການແຕ່ງຕັ້ງຄະນະຊີ້ນໍາ ແລະ ອານຸກໍາມະການຊ່ວຍວຽກ ກອງປະຊຸມສະ   ໄໝສາມັນເທື່ອທີ 6 ສະພາປະຊາຊົນແຂວງ, ໂດຍການເປັນປະທານຂອງທ່ານ ຄໍາດີ ວົງລ້ອມ ຮອງເລຂາພັກແຂວງ ປະທານສະພາປະຊາຊົນແຂວງ, ມີທ່ານ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ມີບັນດາທ່ານໃນຄະນະປະຈຳ, ຄະນະເລຂາທິການ, ຫົວໜ້າ/ຮອງຫົວໜ້າຂະແໜງ ແລະ ພະນັກງານວິຊາການພາຍໃນ ສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

   ຕາງໜ້າຄະນະເລຂາທິການ ໄດ້ຜ່ານມະຕິຂອງຄະນະປະຈໍາສະພາປະຊາຊົນແຂວງ ເລກທີ 1522/ສພຂ, ລົງວັນທີ 7 ທັນວາ 2023 ວ່າດ້ວຍ ການແຕ່ງຕັ້ງຄະນະຊີ້ນໍາ ແລະ ອານຸກໍາມະການຊ່ວຍວຽກ ກອງປະຊຸມສະໄໝສາມັນເທື່ອທີ 6 ສະພາປະຊາຊົນແຂວງອຸດົມໄຊ ຊຸດທີ II, ຫລັງຈາກນັ້ນ, ບັນດາທ່ານຜູ້ເຂົ້າຮ່ວມໄດ້ປະກອບຄໍາຄິດເຫັນ ແລະ ມີຄໍາສະເໜີແລກປ່ຽນເຊິ່ງກັນ ແລະ ກັນຢ່າງກົງໄປກົງມາ ກ່ຽວກັບການກະກຽມເນື້ອໃນ, ການປະສານງານກັບພະແນກການ ແລະ ອົງການກ່ຽວຂ້ອງໃນໄລຍະຜ່ານມາເຫັນວ່າມີຂໍ້ສະດວກ, ຂໍ້ຫຍຸ້ງຫຍັງແດ່ ແລະ ບັນຫາທີ່ຍັງຄົງຄ້າງຄວນຈະມີວີທີ່ທາງແກ້ໄຂແນວໃດ ແລະ ມີຄໍາເຫັນກ່ຽວກັບບັນຫາອື່ນໆຕື່ມອີກ. ພາບ/ຂ່າວ: ສະພາປະຊາຊົນແຂວງ.