(ສພຊ) ວັນທີ 12 ພະຈິກ 2021 ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ (ສພຊ) ຊຸດທີ IX, ໂດຍການເປັນປະທານກອງປະຊຸມຂອງຄະນະປະທານຄະນະປະຈຳສະພາແຫ່ງຊາດ (ດ້ວຍຮູບແບບກອງປະຊຸມທາງໄກ). ໃນວາລະພາກເຊົ້າ ກອງປະຊຸມ ໄດ້ຮັບຟັງການຜ່ານຮ່າງກົດໝາຍວ່າດ້ວຍການຄວບຄຸມຢາສູບ (ປັບປຸງ) ຈາກທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ຈາກນັ້ນ ປະທານກອງປະຊຸມ ໄດ້ເຈາະຈີ້ມ ແລະ ໃຫ້ທິດຊີ້ນໍາໃນການຄົ້ນຄວ້າປະກອບຄໍາເຫັນ. ຫລັງຈາກນັ້ນ, ບັນດາທ່ານສະມາຊິກສະພາແຫ່ງຊາດ (ສສຊ) ໄດ້ປະກອບຄຳເຫັນຕໍ່ຮ່າງກົດໝາຍດັ່ງກ່າວ. ພາຍຫລັງອະນຸກຳມະການຮັບຜິດຊອບກົດໝາຍໃຫ້ຄວາມກະຈ່າງແຈ້ງແລ້ວ ປະທານກອງປະຊຸມ ໄດ້ສະຫລຸບສັງລວມການປະກອບຄໍາເຫັນຂອງ ສສຊ.

ຕອນບ່າຍຂອງວັນດຽວກັນ, ກອງປະຊຸມ ໄດ້ຮັບຟັງການຜ່ານຮ່າງກົດໝາຍວ່າດ້ວຍເຕັກໂນໂລຊີລະດັບສູງ (ສ້າງໃໝ່) ຈາກທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ຈາກນັ້ນ ປະທານກອງປະຊຸມ ໄດ້ເຈາະຈີ້ມ ແລະ ໃຫ້ທິດຊີ້ນຳໃນການຄົ້ນຄວ້າປະກອບຄຳເຫັນ. ຫລັງຈາກນັ້ນ, ບັນດາທ່ານ ສສຊ ໄດ້ປະກອບຄຳເຫັນຕໍ່ຮ່າງກົດໝາຍດັ່ງກ່າວ. ພາຍຫລັງອະນຸກຳມະການຮັບຜິດຊອບກົດໝາຍໃຫ້ຄວາມກະຈ່າງແຈ້ງແລ້ວ ປະທານກອງປະຊຸມ ໄດ້ສະຫລຸບສັງລວມການປະກອບຄຳເຫັນຂອງ ສສຊ.

ຕອນເຊົ້າວັນທີ 13 ພະຈິກ 2021 ກອງປະຊຸມ ໄດ້ຮັບຟັງການຜ່ານຮ່າງກົດໝາຍວ່າດ້ວຍລັດຖະບານ (ປັບປຸງ) ຈາກທ່ານ ຄຳເຈນ ວົງໂພສີ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ຈາກນັ້ນ ປະທານກອງປະຊຸມ ໄດ້ເຈາະຈີ້ມ ແລະ ໃຫ້ທິດຊີ້ນຳໃນການຄົ້ນຄວ້າປະກອບຄຳເຫັນ. ຫລັງຈາກນັ້ນ, ບັນດາທ່ານ ສສຊ ໄດ້ປະກອບຄຳເຫັນຕໍ່ຮ່າງກົດໝາຍດັ່ງກ່າວ. ພາຍຫລັງອະນຸກຳມະການຮັບຜິດຊອບກົດໝາຍໃຫ້ຄວາມກະຈ່າງແຈ້ງແລ້ວ ປະທານກອງປະຊຸມ ໄດ້ສະຫລຸບສັງລວມການປະກອບຄຳເຫັນຂອງ ສສຊ.

ຕອນບ່າຍຂອງວັນດຽວກັນ, ກອງປະຊຸມ ໄດ້ຮັບຟັງການຜ່ານຮ່າງກົດໝາຍວ່າດ້ວຍມໍຣະດົກແຫ່ງຊາດ (ປັບປຸງ) ຈາກທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ. ຈາກນັ້ນ, ປະທານກອງປະຊຸມ ໄດ້ເຈາະຈີ້ມ ແລະ ໃຫ້ທິດຊີ້ນຳໃນການຄົ້ນຄວ້າປະກອບຄຳເຫັນ. ຫລັງຈາກນັ້ນ, ບັນດາທ່ານ ສສຊ ໄດ້ປະກອບຄຳເຫັນຕໍ່ຮ່າງກົດໝາຍດັ່ງກ່າວ. ພາຍຫລັງອະນຸກຳມະການຮັບຜິດຊອບກົດໝາຍໃຫ້ຄວາມກະຈ່າງແຈ້ງແລ້ວ ປະທານກອງປະຊຸມ ໄດ້ສະຫລຸບສັງລວມການປະກອບຄຳເຫັນຂອງ ສສຊ.

(ຂ່າວ: ນາງ ສຸມົນທາ ງາໄຊ; ພາບ: ສອນສັກ ວັນວິໄຊ)