ຕອນບ່າຍຂອງວັນທີ 7 ທັນວາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໄດ້ມີພິທີປະກາດຮອງຮັບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2023 ຂອງຄະນະຊາວໜຸ່ມໜ່ວຍຮາກຖານສະພາປະຊາຊົນແຂວງ, ໂດຍການເປັນປະທານຂອງສະຫາຍ ມີໄຊ ເສນນ້ອຍສີ ເລຂາໜ່ວຍຊາວໜຸ່ມຮາກຖານສະພາປະຊາຊົນແຂວງ, ເປັນກຽດເຂົ້າຮ່ວມຂອງ ສະຫາຍ ກອງຄໍາ ໄຊພົມປັນ ຄະນະບໍລິຫານງານຊາວຫນຸ່ມແຂວງອຸດົມໄຊ, ມີສະຫາຍ ນ. ວັນສີ ພວງມະໄລ ຮອງເລຂາໜ່ວຍພັກ ແລະ ແຂກເຊີນຈາກຫນ່ວຍຊາວໜຸ່ມອ້ອມຂ້າງ, ພ້ອມດ້ວຍສະມາຊິກຊາວໜຸ່ມພາຍໃນໜ່ວຍເຂົ້າຮ່ວມທັງໝົດ 24 ສະຫາຍ, ຍິງ 8 ສະຫາຍ. ພາບ/ຂ່າວ: ສະພາປະຊາຊົນແຂວງ.