(ສພຊ) ໃນຕອນບ່າຍຂອງວັນທີ 30 ພະຈິກ 2023 ທີ່ສະພາແຫ່ງຊາດ ທ່ານ ສັນຍາ ປຣະເສີດ ປະທານກໍາມາທິການການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ປຣາຊານ ອາເກຼີວາຣ (H.E. Mr. Prashant Agrawal) ເອກອັກຄະລັດຖະທູດ ຜູ້ມີອໍານາດເຕັມ ແຫ່ງ ສ.ອິນເດຍ ປະຈໍາ ສປປລາວ ພ້ອມດ້ວຍຄະນະ ເນື່ອງໃນໂອກາດມາຮັບໜ້າທີ່ຕໍາແໜ່ງໃໝ່.

ໂອກາດດັ່ງກ່າວ ທ່ານ ສັນຍາ ປຣະເສີດ ໄດ້ກ່າວສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຈິງໃຈ ທ່ານ H.E. Mr. Prashant Agrawal ຕີລາຄາສູງຕໍ່ການເຂົ້າຢ້ຽມຂໍ່ານັບໃນຄັ້ງນີ້ ເປັນການປະກອບສ່ວນຮັດແໜ້ນສາຍພົວພັນທີ່ເປັນມູນເຊື້ອອັນດີງາມມາແຕ່ດົນນານ ລະຫວ່າງ ສອງປະເທດລາວ-ສ.ອິນເດຍ ແລະ ຊົມເຊີຍທີ່ໄດ້ມາດຳລົງຕຳແໜ່ງ ເປັນເອກອັກຄະລັດຖະທູດ ແຫ່ງ ສ.ອິນເດຍ ປະຈຳ ສປປລາວ ຕີລາຄາສູງຕໍ່ການພົວພັນຮ່ວມມືສອງປະເທດ ເຊິ່ງ ສປປລາວ ແລະ ສ.ອິນເດຍ ເປັນປະເທດເພື່ອນມິດ, ມີການພົວພັນ ແລະ ການຮ່ວມມືທີ່ເປັນມູນເຊື້ອດີງາມມາແຕ່ດົນນານ.

ທ່ານ H.E. Mr. Prashant Agrawal ກໍໄດ້ກ່າວສະແດງຄວາມຂອບໃຈທີ່ທ່ານ ສັນຍາ ປຣະເສີດ ໄດ້ເສຍສະຫຼະເວລາອັນມີຄຸນຄ່າໃຫ້ການຕ້ອນຮັບໃນຄັ້ງນີ້ ພ້ອມທັງສະແດງຄວາມເຫັນດີຕໍ່ຄໍາເວົ້າຂອງທ່ານ ສັນຍາ ປຣະເສີດ ທີ່ໄດ້ກ່າວມາແລ້ວນັ້ນ ແລະ ເຫັນດີຈະສືບຕໍ່ປະຕິບັດໜ້າທີ່ຂອງຕົນໃນຖານະ ເອກອັກຄະລັດຖະທູດ ເພື່ອເສີມຂະຫຍາຍສາຍພົວພັນ ລະຫວ່າງສອງປະເທດ ກໍຄືສອງພັກ, ສອງລັດ ເວົ້້າສະເພາະກໍຄືສອງອົງການນິຕິບັນຍັດໃຫ້ແໜ້ນແຟ້ນຂຶ້ນກວ່າເກົ່າ ເພື່ອໃຫ້ພົ້ນເດັ່ນຂຶ້ນໃນເວທີລະດັບພາກພື້ນ ແລະ ສາກົນ.

(ພາບ ແລະ ຂ່າວ: ສອນສັກ ວັນວິໄຊ)