ວັນທີ 15 ພະຈິກ 2023 ນີ້ທີ່ຫ້ອງປະຊຸມ ຂອງສະພາປະຊົນ ແຂວງຫົວພັນໄດ້ຈັດກອງປະຊຸມເຊື່ອມຊຶມມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະ ໄໝທີ XI ແລະ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ X ຂອງອົງຄະນະພັກ ແຂວງຫົວພັນ ໃນໄລຍະ 3 ເດືອນ 7-8-9 ປີ 2023

ໂດຍການເຜີຍແຜ່ ແລະ ເຊື່ອມຊຶມຄັ້ັ້ງນີ້ໂດຍ ທ່ານ ສົມສັກ ດອນຈານິດ ກຳມະການພັກແຂວງ ເລຂາໜ່ວຍພັກ, ຮອງປະທານ ສະພາປະຊາຊົນແຂວງຫົວພັນ ແລະ ທ່ານ ທ່ານ ແທງ ວິໄລພອນ ຄະນະໜ່ວຍພັກ, ປະທານກຳມະການເສດຖະກິດ ແຜນການ ແລະ ການເງິນ  ຈຸດປະສົງຂອງການເຜີຍແຜ່ ແລະ ເຊື່ອມຊືມເອກະສານໃນຄັ້ງນີ້ ເພື່ອເຮັດໃຫ້ບັນດາ ສະຫາຍສະມາຊິກພັກ ພະນັກງານນຳພາ, ພະນັກງານ – ລັດຖະກອນ ພາຍໃນ ສະພາປະຊາຊົນແຂວງ ໃຫ້ຮັບຮູ້, ເຂົ້າໃຈ ແລະ ກຳແໜ້ນເນື້ອໃນຈິດໃຈ ເນື້ອໃນຄວາມສຳຄັນ ຂອງມະຕິກອງປະຊຸມ ດັ່ງກ່າວ ແລະ ເພື່ອເປັນທິດທາງໃນການປະຕິບັດໜ້າທີ່ວຽກງານການເຄື່ອນໄຫໃນຕໍ່ໜ້າ

ຕອນທ້າຍຂອງພິທີ ທ່ານ ສົມສັກ ດອນຈານິດ ໄດ້ເໜັ້ນໜັກ ໃຫ້ຄະນະນຳ, ພະນັງານທີ່ໄດ້ເຊື່ອມຊຶມໃນຄັ້ງນີ້ ໃຫ້ກຳແໜ້ນບັນດາເນື້ອໃນຕ່າງໆ ຂອງເອກະສານ ແລະ ນຳເອົາເນື້ອໃນເອກະສານ ໄປນຳໃຊ້ເຂົ້້າໃນໜ້າທີ່ວຽກງານໃຫ້ເກີດດອກອອກຜົນ ແລະ ປະກົດຜົນເປັນຈິງໃນທິດທາງຕໍ່ໜ້າ.

ພາບ ແລະ ຂ່າວ: ສພຂ ຫົວພັນ