(ສພຊ) ໃນວັນທີ 31 ຕຸລາ 2023 ທີ່ສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບ ນໍ້າດື່ມແຮ່ມີນີໂຣ ຈຳນວນ 150 ແພັກ ລວມມູນຄ່າ 6 ລ້ານກວ່າກີບ ຈາກໂຮງງານນໍ້າດື່ມ ແຮ່ທາດມີນີໂຣ ແລະ ນໍ້າໝາກໄມ້ ຈຳກັດ ໃຫ້ແກ່ສະພາແຫ່ງຊາດ ເພື່ອປະກອບສ່ວນຊຸກຍູ້ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ເຊິ່ງຕາງໜ້າໂຮງງານນຳ້ດື່ມ ແຮ່ທາດມີນີໂຣ ແລະ ນຳ້ໝາກໄມ້ ຈຳກັດ ມອບໂດຍທ່ານ ນາງ ພອນສະຫວັນ ແສນບຸດຕະລາດ ຮອງຫົວໜ້າຫ້ອງການ ແລະ ຕາງໜ້າຮັບໂດຍທ່ານ ປອ. ອາລຸນຍາເດດ ຣາຊະພົນ ຫົວໜ້າກົມບໍລິຫານ-ພິທີການ ຄະນະເລຂາທິການສະພາແຫ່ງຊາດ, ມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ໂອກາດດັ່ງກ່າວ, ທ່ານ ປອ. ອາລຸນຍາເດດ ຣາຊະພົນ ຍັງໄດ້ຕາງໜ້າໃຫ້ ຄະນະເລຂາທິການສະພາແຫ່ງຊາດ ມອບໃບຊົມເຊີຍຂອງຄະນະເລຂາທິການສະພາແຫ່ງຊາດ ໃຫ້ໂຮງງານນຳ້ດື່ມ ແຮ່ທາດມີນີໂຣ ແລະ ນຳ້ໝາກໄມ້ ຈຳກັດ ທີ່ມີຜົນງານດີເດັ່ນໃນການປະກອບສ່ວນມອບນໍ້າດື່ມເພື່ອອຸປະຖຳໃນຄັ້ງນີ້.