ຕອນເຊົ້າຂອງວັນພຸດ, ວັນທີ 13 ກັນຍາ 2023, ນໍາໂດຍທ່ານ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ ໄດ້ເຄື່ອນໄຫວຢ້ຽມຢາມ ແລະ ມອບອຸປະກອນການເພດ ຢູ່ໂຮງມໍແຂວງອຸດົມໄຊ ແລະ ຕາງໜ້າຕ້ອນຮັບຂອງທ່ານ ດຣ ລັດຕາ ວັນນະຈິດ ອໍານວຍການໂຮງໝໍແຂວງອຸດົມໄຊ ພ້ອມດ້ວຍຄະນະ, ມີບັນດາທ່ານໃນຄະນະປະຈໍາສະພາປະຊາຊົນແຂວງ ແລະ ວິຊາການຂະແໜງກ່ຽວຂ້ອງເຂົ້າຮ່ວມ.

ອຸປະກອນການເພດທີ່ນໍາມາມອບໃນຄັ້ງນີ້ປະກອບມີ 18 ລາຍການ, ລວມມູນຄາທັງໝົດປະມານ 100 ລ້ານກີບ ແລະ ໄດ້ຈັດມອບຢ່າງເປັນທາງການ. ເຊິ່ງອຸປະກອນດັ່ງກ່າວແມ່ນໄດ້ຮັບຈາກສະພາແຫ່ງຊາດ ໃນການລະດົມຂົນຂວາຍ ຈາກພາຍໃນ ແລະ ຕ່າງປະເທດ ເພື່ອມາປະກອບເຂົ້າໃນວຽກງານ, ເພື່ອອໍານວຍຄວາມສະດວກໃຫ້ແກ່ແພດໝໍ ໃນການປິ່ນປົວຄົນເຈັບ ແລະ ອື່ນໆ.

 ໂອກາດດັ່ງກ່າວທ່ານ ດຣ ລັດຕາ ວັນນະຈິດ ອໍານວຍການໂຮງໝໍແຂວງອຸດົມໄຊ ໄດ້ລາຍງານໂດຍຫຍໍ້ກ່ຽວກັບສະພາບການໂດຍລວມຂອງໂຮງໝໍແຂວງອຸດົມໄຊ ໃນການຈັດຕັ້ງປະຕິບັດໜ້າທີ່ວຽກງານໃນໄລຍະ ຜ່ານມາຈົນເຖິ່ງປັດຈຸບັນ, ບັນຫາຕ່າງໆທີ່ພົບພໍ້ ແລະ ວິທີ່ຮັບມືການແຜ່ລະບາດຂອງພະຍາດຕາມລະດູການ ແລະ ຫຼັງຈາກນັ້ນ, ບັນດາທ່ານທີ່ເຂົ້າຮ່ວມໄດ້ມີຄໍາເຫັນຄໍາເຫັນຢ່າງກົງໄປກົງມາ.