ໃນຕອນເຊົ້າຂອງວັນທີ 14 ກັນຍາ 3023 ສະພາປະຊາຊົນແຂວງວຽງຈັນ ໄດ້ຈັດກອງປະຊຸມສະຫຼຸບຖອດຖອນບົດຮຽນ ການກະກຽມ ແລະ ດໍາເນີນ 3 ກອງປະຊຸມຄື: ກອງປະຊຸມປະເມີນຄວາມໄວ້ວາງໃຈ ໃນການປະຕິບັດໜ້າທີ ຂອງບຸກຄະລະກອນ ທີ່ສະພາປະຊາຊົນແຂວງ ເລືອກຕັ້ງ ແລະ ຮັບຮອງເອົາການແຕ່ງຕັ້ງ; ກອງປະຊຸມການປະເມີນການຈັດຕັ້ງປະຕິບັດກົດໝາຍ 4 ສະບັບ ໃນຂົງເຂດສະພາແຫ່ງຊາດ ແລະ ກອງປະຊຸມສະໄໜສາມັນເທື່່ອທີ 5 ຂອງສະພາປະຊາຊົນແຂວງ ຊຸດທີ II ໂດຍການເປັນປະທານຂອງ ທ່ານ ລໍາໄມ ກູດລາວົງ ຮອງປະທານສະພາປະຊາຊົນແຂວງວຽງຈັນ ມີບັນດາທານ ຄະນະກໍາມະການ, ຄະນະເລຂາທິການ, ຫົວໜ້າ, ຮອງຫົວໜ້າຂະແໜງ ຕະຫຼອດຮອດພະນັກງານ-ລັດຖະກອນພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມ ໄດ້ຮັບຟັງການຂື້ນຜ່ານບົດສະຫຼຸບຖອດຖອນບົດຮຽນ ການກະກຽມ ແລະ ດໍາເນີນ 3 ກອງປະຊຸມດັ່ງກ່າວ ຈາກທ່ານ ນາງ ໃສແສງຈັນ ແສງພະຈັນ ຮອງເລຂາທິການສະພາປະຊາຊົນແຂວງ ເຊິ່ງທານໄດ້ຍົກໃຫ້ເຫັນຜົນງານດ້ານດີ, ດ້ານອອນຂໍ້ຄົງຄ້າງ ເປັນຕົ້ນ: ວຽກງານດ້ານການກະກຽມເນື້ອໃນ, ວຽກງານບໍລິຫານ-ພິທີການ, ວຽກງານສືມວນຊົນ ແລະ ວຽກງານປິ່ນອອ້ມດ້ານອື່ນໆ ຈາກນັ້ນ, ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນໃສ່ບົດສະຫຼຸບດັ່ງກ່າວ ຢ່າງກົງໄປກົງມາ ເພື່ອເຮັດໃຫ້ເນື້ອໃນບົດດັ່ງກ່າວມີຄວາມຖຶກຕ້ອງ ແລະ ສອດຄອ່ງກັບຄວາມເປັນຈິງ ທັງເປັນບອນອີງໃຫ້ແກ່ການຈັດຕັ້ງປະຕິບັດຄັ້ງຕໍ່ໄປ ໃຫ້ມີຜົນສໍາເລັດ ແລະ ມີປະສິດພາບສູງຂຶ້ນກວ່າເກົ່າ.

ຕອນທ້າຍ ປະທານກອງປະຊຸມໄດ້ມີຄໍາເຫັນໂອ້ລົມ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານ-ລັດຖະກອນພາຍໃນສະພາປະຊາຊົນແຂວງ ທີ່ໄດ້ພ້ອມກັນເອົາໃຈໃສ່ປະຕິບັດໜ້າທີຂອງຕົນດ້ວຍຄວາມຮັບຜິດຊອບສູງ ແລະ ມີຜົນສໍາເລັດໃນໜ້າວຽກຕ່າງໆຕາມການມອບໝາຍ; ພ້ອມນັ້ນ ທ່ານຍັງໄດ້ເນັ້ນໜັກໃຫ້ພະນັກງານທັງໜົດ ຈົ່ງສືບຕໍ່ເສີມຂະຫຍາຍຜົນງານດ້ານດີ,ປັບປຸງແກ້ໄຂບັນຫາທີຍັງຄົງຄ້າງ, ຮັດແໜ້ນຄວາມສາມັກຄີພາຍໃນ, ເພີ່ມທະວີຄວາມເປັນເຈົ້າການໃນການກະກຽມເນື້ອໃນ ແລະ ກົນໄກການປະສານງານຮ່ວມກັບອົງການປົກຄອງແຂວງ,ຂະແໜງການທີກ່ຽວຂ້ອງໃຫ້ມີຄວາມຄ່ອງຕົວ,ວອງໄວ ແລະ ທັນກໍານົດເວລາ ເພື່ອເປັນບົດຮຽນໃຫ້ແກ່ການດໍາເນີນກອງປະຊຸມຄັ້ງຕໍ່ໄປ.