ໃນວັນທີ່ 16 ສິງຫາ 2023 ບັນດາສາຂາຂອງທະນາຄານຄື: ທະນາຄານແຫ່ງ ສປປ ລາວ ພາກ ເໜືອ, ທະນາຄານການຄ້າຕ່າງປະເທດ, ທະນາຄານພັດທະນາລາວ, ທະນາຄານລາວຫວຽດ, ທະນາຄາຄານສົ່ງເສີມກະສິກຳ ແລະ ທະນາຄານນະໂຍບາຍ ທີ່ປະຈຳຢູ່ແຂວງຊຽງຂວາງ ໄດນຳເອົານ້ຳດື່ມ ມອບໃຫ້ສະພາປະຊາຊົນແຂວງຊຽງຂວາງ ເຊິ່ງເປັນກຽດກ່າວຮັບໂດຍທ່ານ ວຽງໄຊ ສີວິໄລ ຮອງປະທານສະພາປະຊາຊົນແຂວງ; ມີຕາງໜ້າຂອງບັນດາທະນາຄານຕ່າງໆ, ຄະນະປະຈຳ, ຄະນະເລຂາທິການ ແລະ ພະນັກງານຂອງທະນາຄານ, ສະພາປະຊາຊົນແຂວງເຂົ້າຮ່ວມເປັນສັກຂີພິຍານ.

ນ້ຳດື່ມທີ່ນຳມາມອບໃນຄັ້ງນີ້ມີ ຈຳນວນ 120 ແພັກ, ລວມມູນຄ່າທັງໝົດ 3,800,000 ກີບ; ເພື່ອເປັນການຊຸກຍູ້ໃນການກະກຽມເນື້ອໃນ ແລະ ດຳເນີນກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນແຂວງ ຊຸດທີ II ທີ່ຈະເປີດຂຶ້ນໃນທ້າຍເດືອນສິງຫາ ຫາຕົ້ນເດືອນກັນຍານີ້. ໃນຕອນທ້າຍທ່ານ ວຽງໄຊ ສີວິໄລ ຍັງໄດ້ມອບໃບກຽດຕິຄຸນ ເພື່ອເປັນການສັນລະເສີນຜົນງານ ແລະ ກ່າວສະແດງຂອງຂອບໃຈນຳບັນດາທ່ານ ກໍ່ຄືບັນດາທະນາຄານຕ່າງໆ ທີ່ເຫັນໄດ້ເຖິງຄວາມໝາຍ, ຄວາມສຳຄັນໃນການກະກຽມ ແລະ ດຳເນີນກອງປະຊຸມຂອງສະພາປະຊາຊົນແຂວງໃນຄັ້ງນີ້ ແລະ ຫວັງວ່າໂອກາດໜ້າຍັງຈະໄດ້ຮັບການຊ່ວຍເຫຼືອເຂົ້າໃນຂົງເຂດວຽກງານດ້ານອື່ນໆຕື່ມອີກ

ສະພາປະຊາຊົນແຂວງຊຽງຂວາງ

ຂ່າວໂດຍ: ບຸນສີ ສິດທິເດດ

020 99 77 7890