(ສພຊ) ໃນວັນທີ 17 ກໍລະກົດ 2023 ທີ່ຫໍສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບເຄື່ອງອຸປະກອນໄອທີ ເຊິ່ງກ່າວຮັບໂດຍທ່ານ ນາງ ວິໄລທອນ ສູນທອນໄຊມົງຄຸນ ຫົວໜ້າຫ້ອງການກະຊວງພາຍໃນ ແລະ ຕາງໜ້າຮັບໂດຍ ສະມາຊິກສະພາແຫ່ງຊາດ 2 ແຂວງຄື: ຫຼວງພະບາງ ແລະ ຄຳມ່ວນ; ມີທ່ານ ນິສິດ ແກ້ວປັນຍາ ຮອງລັດຖະມົນຕີກະຊວງພາຍໃນ, ທ່ານ ສິງຄຳ ວົງພະຈັນ ຮອງເລຂາທິການສະພາແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ອຸປະກອນທີ່ນຳມາໃນຄັ້ງນີ້ ປະກອບມີ: ຄອມພິວເຕີ (Notebook) ຈຳນວນ 44 ເຄື່ອງ, ເຄື່ອງພິມເອກະສານ ຈຳນວນ 22 ເຄື່ອງ ແລະ ເຄື່ອງສາຍ LCD ຈຳນວນ 22 ຊຸດ ເພື່ອໃຫ້ບັນດາທ່ານສະມາຊິກສະພາແຫ່ງຊາດ ມອບຕໍ່ໃຫ້ບັນດາໜ່ວຍງານຊ່ວຍວຽກສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ ຂອງແຕ່ລະເມືອງ ຂອງແຂວງຫຼວງພະບາງ ແລະ ແຂວງຄຳມ່ວນ.