(ສພຊ) ໃນຕອນບ່າຍວັນທີ 6 ກໍລະກົດ 2023 ກົມສື່ມວນຊົນ ຄະນະເລຂາທິການສະພາແຫ່ງຊາດ ໄດ້ຮັບການສະໜັບສະໜູນ ຈາກຮ້ານຄຳພູວົງ ເພື່ອຊຸກຍູ້ວຽກງານສື່ມວນຊົນ ຂອງສະພາແຫ່ງຊາດ ໃຫ້ມີປະສິດທິພາບ ແລະ ປະສິດທິຜົນ ມູນຄ່າ 30 ລ້ານກີບ ເຊິ່ງມອບໂດຍທ່ານ ພູວົງ ພະມີສິດ ເຈົ້າຂອງຮ້ານຄໍາພູວົງ ແລະ ຕາງໜ້າຮັບໂດຍທ່ານ ສິງຄໍາ ວົງພະຈັນ ຮອງເລຂາທິການສະພາແຫ່ງຊາດ, ມີພະນັກງານທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ໂອກາດດັ່ງກ່າວ, ທ່ານ ສິງຄໍາ ວົງພະຈັນ ຍັງໄດ້ສະແດງຄວາມຂອບໃຈ ແລະ ຊົມເຊີຍໃນການປະກອບສ່ວນຊຸກຍູ້ວຽກງານສື່ມວນຊົນ ຂອງສະພາແຫ່ງຊາດຄັ້ງນີ້ ເຊິ່ງຈະນໍາໃຊ້ເງິນສະໜັບສະໜູນດັ່ງກ່າວ ໃຫ້ເກີດປະໂຫຍດສູງສຸດ.