ໃນວັນທີ 19 ພຶດສະພາ 2023 ສະພາປະຊາຊົນແຂວງຫລວງນ້ຳທາ ໄດ້ຈັດພິທີປາຖະກະຖາມຸນເຊື້ອວັນສຳຄັນທາງປະຫວັດສາດຂອງ ສາທາລະນາລັດ ປະຊາທິປະໄຕ ປະຊາຊົນລາວ ຂື້ນທີ່ຫ້ອງປະຊຸມຂອງສະພາປະຊາຊົນແຂວງ ໃຫ້ກຽດເຂົ້າຮ່ວມມີບັນດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງ, ຄະນະເລຂາທິການ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານວິຊາການພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາດປະຈຳເຂດເລືອກຕັ້ງ ປະທານຄະນະກຳມະການຍຸຕິທຳ ປກຊ-ປກສ ຂອງສະພາປະຊາຊົນແຂວງ ໄດ້ໃຫ້ກຽດຂຶ້ນປະຖະກະຖາເລົ່າມູນເຊົື້ອວັນສຳຄັນທາງປະຫວັດສາດຂອງ ສາທາລະນາລັດ ປະຊາທິປະໄຕ ປະຊາຊົນລາວ ຄື: ວັນຜ່າວົງປິດລ້ອມຂອງກອງພັນທີ່2 ວິລະຊົນທີ່ທົ່ງໄຫຫີນ ແຂວງຊຽງຂວາງ ຄົບຮອບ 64 ປີ 18 ພຶດສະພາ 1959- 18 ພຶດສະພາ 2023; ວັນວິລະກຳຕົນຄຸກຢ່າງມະຫັດສະຈັນຂອງບັນດາທ່ານຜູ້ນຳຂອງພັກ ແລະ ແນວລາວຮັກຊາດຄົບຮອບ 63 ປີ 24 ພຶດສະພາ 1960- 24 ພຶດສະພາ 2023 ພ້ອມດຽວກັນ ທ່ານ ນາງ ຄອນສະຫວັນ ອິນທອງຈັນ ຮອງປະທານກຳມະບານຮາກຖານສະພາປະຊາຊົນແຂວງ ໄດ້ຂື້ນປາຖະກະຖາວັນກໍາມະກອນສາກົນຄົບຮອບ 137 ປີ ວັນທີ 1 ພຶດສະພາ 1886 – 1 ພຶດສະພາ 2023 ທັງນີ້ ກໍເພື່ອເຮັດໃຫ້ພະນັກງານວິຊາການໄດ້ຮັບຮູ້ເຊື່ອມຊຶມມູນເຊື່້ອວັນສໍາຄັນທາງປະຫວັດສາດຢ່າງທົ່ວເຖີງ.