(ສປນວ) ໃນຕອນເຊົ້າຂອງວັນທີ 21 ເມສາ 2023, ຄະນະຜູ້ແທນ ສະພາປະຊາຊົນ ນວ ນຳໂດຍ ສະຫາຍ ນາງ ລໍາພອຍ ສີອັກຄະຈັນ ກຳມະການປະຈຳພັກ ນວ, ຮອງປະທານ ສະພາປະຊາຊົນ ນວ ພ້ອມດ້ວຍຄະນະ ໄດ້ໃຫ້ການຕ້ອນຮັບຄະນະຜູ້ແທນສະພາປະຊາຊົນ ນະຄອນຫຼວງຮ່າໂນ້ຍ ນຳໂດຍ ສະຫາຍ ນາງ ຟຸງ ທິ ຫົງ ຮ່າ ກຳມະການປະຈຳພັກ, ຮອງປະທານສະພາປະຊາຊົນ ນະຄອນຫຼວງຮ່າໂນ້ຍ ຜູ້ປະຈຳການ ພ້ອມດ້ວຍຄະນະ.

ໃນການຢ້ຽມຢາມ ແລະ ພົບປະເຮັດວຽກຄັ້ງນີ້ ໄດ້ມີການສຳມະນາແລກປ່ຽນບົດຮຽນກັບຄະນະຜູ້ແທນຮ່າໂນ້ຍ ສສ ຫວຽດນາມ ໃນຫົວຂໍ້ຕ່າງໆ ເປັນຕົ້ນ: ບົດຮຽນໃນການດໍາເນີນການພິຈາລະນາແກ້ໄຂຄໍາຮ້ອງ ທຸກ, ຄຳສະເໜີຂອງປະຊາຊົນ, ການສ້າງ ແລະ ການປະກາດມະຕິຂອງສະພາປະຊາຊົນ ນະຄອນຫຼວງຮ່າໂນ້ຍ; ວຽກງານແຜນການລົງທຶນ ແລະ ພັດທະນາຕົວເມືອງຢູ່ທ້ອງຖິ່ນ; ການຮ່າງບົດລາຍງານ, ຮ່າງມະຕິຕົກລົງ ກ່ຽວກັບແຜນພັດທະນາເສດຖະກິດ-ສັງ ຄົມ ແລະ ການຕິດຕາມກວດກາການປະຕິບັດແຜນພັດທະນາເສດຖະກິດ-ສັງຄົມ ແລະ ການສ້າງກົນໄກ, ນະໂຍບາຍ, ການຕິດຕາມກວດກາວຽກງານຊ່ວຍເຫຼືອພັດທະນາກະສິ ກຳ, ຊົນນະບົດ ຂອງນະຄອນຫຼວງຮ່າໂນ້ຍ. ພາຍຫຼັງຮັບ ຟັງການແລກປ່ຽນບົດຮຽນກ່ຽວກັບບັນດາເນື້ອໃນທີ່ກ່າວມານັ້ນທາງຄະນະຜູ້ແທນສະພາປະຊາຊົນ ນະຄອນຫຼວງວຽງຈັນ ກໍໄດ້ມີຄວາມສົນໃຈ ແລະ ສົນທະນາແລກປ່ຽນເຖີງຂໍ້ຄົງຄ້າງ ພ້ອມດ້ວຍທິດທາງໃນການແກ້ໄຂຂອງສະພາປະຊາຊົນ ນະຄອນຮ່າໂນ້ຍ ເພື່ອຈະເປັນບົດຮຽນໃນການແກ້ໄຂຂໍ້ຄົງຄ້າງບາງດ້ານຂອງວຽກງານສະພາປະຊາຊົນ ນະຄອນຫຼວງ ໃນຕໍ່ໜ້າ.         (ນາງ ໂຮງທ່າວ ຊົງເຢີ)