(ສພຊ) ໃນຕອນບ່າຍວັນທີ 1 ມີນາ 2023 ທີ່ສະພາແຫ່ງຊາດ, ຕາງໜ້າ 3 ອົງການຈັດຕັ້ງມະຫາຊົນ ຂອງບໍລິສັດ ຂໍ້ມູນຂ່າວສານສິນເຊື່ອ ຂອງທະນາຄານ ແຫ່ງ ສປປລາວ ນໍາພາໂດຍທ່ານ ນາງ ເພັດລໍາພອນ ຄ້ານໍເພັດ ຮອງຜູ້ອໍານວຍການໃຫຍ່ບໍລິສັດ ຂໍ້ມູນຂ່າວສານສິນເຊື່ອຂອງ ທະນາຄານ ແຫ່ງ ສປປລາວ ໄດ້ນໍາເອົາອຸປະກອນການຮຽນ ປະກອບມີ: ປຶ້ມຂຽນ ຈໍານວນ 450 ຫົວ ແລະ ເສື້ອຢືດ ຈໍານວນ 100 ຜືນ ມອບໃຫ້ສະພາແຫ່ງຊາດ ໂດຍການກ່າວຮັບຂອງທ່ານ ປອ. ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ເຊິ່ງເຄື່ອງດັ່ງກ່າວ ແມ່ນໄດ້ຈາກການລະດົມຈາກບັນດາອົງການຈັດຕັ້ງມະຫາຊົນ ຂອງ ທະນາຄານແຫ່ງ ສປປລາວ ແລະ ຮ້ານຂາຍຄໍາ ນາງ ແຕ໋ງ ສີສະຫວັດ ແຂວງສະຫວັນນະເຂດ.

ເຄື່ອງທີ່ໄດ້ຮັບໃນຄັ້ງນີ້ ທ່ານ ຮອງປະທານສະພາແຫ່ງຊາດ ຈະນໍາໄປມອບຕໍ່ໃຫ້ໂຮງຮຽນ ໃນໂອກາດລົງເຄື່ອນໄຫວຢ້ຽມຢາມ ແລະ ພົບປະຜູ້ມີສິດເລືອກຕັ້ງ ຢູ່ແຂວງສະຫວັນນະເຂດ ໃນຕໍ່ໜ້ານີ້.