ວັນທີ 19 ມັງກອນ 2023 ທີ່ຜ່ານມານີ້ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງວຽງພູຄາ ແຂວງຫລວງນໍ້າທາໄດ້ເປີດກອງປະຊຸມວຽກງານສະພາປະຊາຊົນແຂວງ ປະຈຳເຂດເລືອກຕັ້ງເມືອງວຽງພູຄາ ແຂວງຫລວງນໍ້າທາ  ປະຈຳປີ 2022 ແລະ ທິດທາງແຜນການປີ 2023 ໂດຍການເປັນປະທານ ຂອງ ທ່ານ ນາງ ວຽງຄຳ ອິນປະເສີດ ຮອງຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງວຽງພູຄາ, ໃຫ້ກຽດເຂົ້າຮ່ວມໂດຍ ທ່ານ ຕຽງສະໝອນ ພອນປະເສີດ ກຳມະການພັກແຂວງ ເລຂາພັກເມືອງ ເຈົ້າເມືອງໆວຽງພູຄາ,​ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງວຽງພູຄາ, ມີບັນດາທ່ານສະມາຊິກສະພາປະຊາຊົນແຂວງ ປະຈຳເຂດເລືອກຕັ້ັ້ງເມືອງວຽງພູຄາ, ພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ

ໃນກອງປະຊຸມໄດ້ຮັບຟັງການຜ່ານຮ່າງບົດສະຫລຸບການເຄື່ອນໄຫວວຽກງານ ປະຈຳປີ 2022 ແລະ ທິດທາງແຜນການປີ 2023 ຂອງຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງວຽງພູຄາ ເຊິ່ງໃນ 1 ປີຜ່ານມາໄດ້ເອົາໃຈໃສ່ປະຕິບັດໜ້າທີ່ຂອງຕົນຢ່າງຕັ້ງໜ້າເປັນຕົ້ນ; ດ້ານນິຕິບັນຍັດ ແລະ ນິຕິກຳ ໄດ້ປະກອບຄຳເຫັນໃສ່ຮ່າງນິຕິກຳສຳຄັນຂອງແຂວງ 4 ສະບັບ, ຢູ່ຂັ້ນເມືອງ 4 ສະບັບ ແລະ ປະຕິບັດຕາມວາລະແຫ່ງຊາດຢ່າງເຂັ້ມງວດ; ປະຕິບັດດ້ານການຕົກລົງບັນຫາສຳຄັນພຶ້ນຖານຂອງແຂວງ ແລະ ເມືອງ, ໄດ້ພິຈາລະນາຮັບຮອງແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ບົດລາຍງານການເຄື່ອນໄຫວຂອງວຽກງານຂອງພະແນກການ, ອົງການລັດທີ່ກ່ຽວຂ້ອງ ແລະ ບັນດາຂໍ້ຕົກລົງເຈົ້າແຂວງ; ປະຕິບັດດ້ານການຕິດຕາມກວດກາ ໄດ້ປະຕິບັດຕາມກົດໝາຍ ໃນການຕິດຕາມກວດກາບັນດາໂຄງການລົງທຶນຂອງລັດຢູ່ຂັ້ນເມືອງ, ການຈັດຕັ້ງປະຕິບັດກອງປະຊຸມສະໄໝສາມັນເທື່ອທີ3 ຂອງສະພາປະຊາຊົນແຂວງຊຸດທີ2, ເອົາໃຈໃສ່ສ້າງຄວາມເຂັ້ມແຂງໃຫ້ສະມາຊິກສະພາປະຊາ່ຊົນແຂວງປະຈຳເມືອງ, ພົວພັນຮ່ວມມືຕ່າງໆ ລະຫວ່າງອົງການລັດຢູ່ຂັ້ນເມືອງຂອງຕົນ ແລະ ທິດທາງແຜນການໃນຕໍ່ໜ້າຈະເອົາໃຈໃສ່ຂະຫຍາຍ ແຜນເຄື່ອນໄຫວຂອງສະມາຊິກສະພາປະຊາຊົນແຂວງ ປະຈຳເມືອງ ແຕ່ລະໄລຍະ, ຄົ້ນຄວ້າປະກອບຄຳຄິດເຫັນດ້ານຕ່າງໆໃຫ້ບັນລຸຕາມຄາດໝາຍ, ຍົກສູງຄວາມຮັບຜິດຊອບໜ້າທີ່ຂອງຕົນ, ເພີ່ມທະວີຕິດຕາມກວດກາດ້ານຕ່າງໆ, ສ້າງຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ເຜີຍແຜ່ເນື້ອໃນຜົນສຳເລັດກອງປະຊຸມສະພາປະຊາຊົນແຂວງແຕ່ລະຄັ້ງພາຍໃນເມືອງໃຫ້ສຳເລັດຕາມຄາດໝາຍ ແລະ ເອົາໃຈໃສ່ປະຕິບັດແຜນການເຄື່ອນໄຫວຂອງສະມາຊິກສະພາປະຊາຊົນແຂວງ 5 ປີ ໂດຍຫັນເປັນແຜນລະອຽດ ເພື່ອເປັນບ່ອນອີງໃນການຈັດຕັ້ງປະຕິບັດຕາ 3 ພາລະບົດບາດ ພ້ອມທັງ ສະຫລຸບລາຍງານການເຄື່ອນໄຫວຂອງຕົນຢ່າງຕໍ່ເນື່ອງ.