ໃນຕອນບ່າຍຂອງວັນທີ 23 ມັງກອນ 2032 ທ່ານ ນາງ ຟອງສະໜຸດ ພົງວິຈິດ ກໍາມະການພັກແຂວງ, ເລຂາທິການສະພາປະຊາຊົນແຂວງ ໄດ້ຕາງໜ້າຄະນະປະຈຳສະພາປະຊາຊົນແຂວງຖະ ແຫຼງຂ່າວຕໍ່ສື່ມວນຊົນ ກ່ຽວກັບການດໍາເນີນກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນແຂວງບໍລິຄໍາໄຊ ຊຸດທີ II ເຊີ່ງຈະໄດ້ໄຂຂຶ້ນຢ່າງເປັນທາງການ ໃນຕອນເຊົ້າ ວັນທີ 31-2 ກຸມພາ 2023 ທີ່ຫ້ອງປະຊຸມສະພາປະຊາຊົນແຂວງບໍລິຄໍາໄຊ.

ກອງປະຊຸມຄັ້ງນີ້, ຈະໄດ້ຄົ້ນຄວ້າພິຈາລະນາ, ຮັບຮອງເອົາບັນຫາສໍາຄັນພື້ນຖານຂອງແຂວງ, ດັ່ງນີ້:

1. ບົດລາຍງານຂອງທ່ານເຈົ້າແຂວງ ກ່ຽວ​ກັບການຈັດ​ຕັ້ງ​ປະຕິບັດວຽກງານທີ່ພົ້ນເດັ່ນເປັນຈຸດສຸມບູລິມະສິດຂອງແຂວງ ໃນການ​ຈັດຕັ້ງປະຕິບັດແຜນພັດທະນາ​ເສດຖະກິດ-ສັງຄົມ ປະຈຳປີ 2022 ແລະ ທິດທາງແຜນການ ປະຈໍາປີ 2023;
2. ບົດ​ລາຍ​ງານຂອງຫົວໜ້າພະແນກແຜນການ ແລະ ການລົງທຶນແຂວງ ກ່ຽວ​ກັບການຈັດ​ຕັ້ງ​ປະຕິ ບັດແຜນພັດທະນາເສດຖະກິດ-ສັງຄົມ, ແຜນການລົງທຶນຂອງລັດ ປະຈໍາປີ 2022 ແລະ ທິດທາງແຜນ ການ ປະຈຳປີ 2023;
3. ບົດລາຍງານຂອງພະແນກກການເງິນແຂວງ ກ່ຽວກັບການຈັດຕັ້ງປະຕິບັດແຜນງົບປະມານ ປະຈໍາປີ 2022 ແລະ ທິດທາງແຜນການ ປະຈຳປີ 2023;
4. ບົດລາຍ​ງານຂອງອົງການກວດສອບປະຈຳພາກກາງ ກ່ຽວກັບການຈັດ​ຕັ້ງ​ປະຕິບັດວຽກງານ ປະຈໍາປີ 2022, ທິດທາງແຜນການ ປະຈໍາປີ 2023 ແລະ ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານ ປະຈໍາປີ 2021 ແລະ ການຈັດຕັ້ງປະຕິບັດຄໍາແນະນໍາຂອງອົງການກວດສອບໃນປີຜ່ານມາ;
5. ບົດລາຍງານຂອງອົງການກວດກາພັກ-ລັດ ກ່ຽວກັບການຈັດຕັ້ງປະຕິບັດວຽກງານ ປະຈຳປີ 2022, ທິດທາງແຜນການ ປະຈໍາປີ 2023 ແລະ ການແກ້ໄຂຜົນການກວດສອບ ປີຜ່ານມາ;
6. ບົດລາຍງານຂອງອົງການໄອຍະການປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະ ຈຳປີ 2022 ແລະ ທິດທາງແຜນການ ປະຈໍາປີ 2023;
7.     ບົດລາຍງານຂອງສານປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈຳປີ 2022 ແລະ ທິດທາງແຜນການ ປະຈໍາປີ 2023;
8. ບົດລາຍງານການເຄື່ອນໄຫວວຽກງານ ປະຈຳປີ 2022 ແລະ ທິດທາງແຜນການ ປະຈຳປີ 2023 ຂອງສະພາປະຊາຊົນແຂວງບໍລິຄຳໄຊ ຊຸດທີ II.
9. ບົດລາຍງານຂອງຄະນະຮັບຜິດຊອບ ກ່ຽວກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ໃນໄລຍະຜ່ານມາ ແລະ ທິດທາງແກ້ໄຂໃນຕໍ່ໜ້າ;
10. ບົດລາຍງານຂອງພະແນກພາຍໃນແຂວງ ກ່ຽວກັບການຈັດຕັ້ງປະຕິບັດວຽກງານພັດທະນາຊົນ ນະບົດ ແລະ ລຶບລ້າງຄວາມທຸກຍາກ, ວຽກງານກໍ່ສ້າງຮາກຖານ ຕິດພັນກັບວຽກງານສາມສ້າງ ໃນໄລຍະປີ 2020-2022 ແລະ ທິດທາງແຜນການ ໄລຍະປີ 2023-2025;
11. ຮັບຟັງການປະກອບຄຳເຫັນຂອງອົງການແນວລາວສ້າງແຂວງ ຕໍ່ບົດລາຍງານການເຄື່ອນໄຫວວຽກງານປະ ຈຳປີ 2022 ແລະ ທິດທາງແຜນການ ປະຈຳປີ 2023 ຂອງສະພາປະຊາຊົນແຂວງບໍລິຄຳໄຊ ຊຸດທີ II;
12. ພິຈາລະນາ, ຮັບຮອງເອົາຮ່າງຂໍ້ຕົກລົງຂອງທ່ານເຈົ້າແຂວງ ຈຳນວນ 3 ສະບັບ, ໃນນັ້ນ ປັບປຸງ 1 ສະບັບ ແລະ ສ້າງໃໝ່ ຈຳນວນ 2 ສະບັບ, ຄື:

1) ຮ່າງຂໍ້ຕົກລົງຂອງທ່ານເຈົ້າແຂວງບໍລິຄຳໄຊ ວ່າດ້ວຍການປະເມີນລາຄາທີ່ດິນ ຂອງແຂວງ (ສະບັບປັບປຸງ);

2) ຮ່າງຂໍ້ຕົກລົງຂອງທ່ານເຈົ້າແຂວງບໍລິຄຳໄຊ ວ່າດ້ວຍກອງທຶນທານຸເຄາະຂອງສະຫະພັນກຳມະບານແຂວງ (ສະບັບສ້າງໃໝ່);

3) ຮ່າງຂໍ້ຕົກລົງຂອງທ່ານເຈົ້າແຂວງບໍລິຄຳໄຊ ວ່າດ້ວຍນະໂຍບາຍ ແລະ ລາຄາຫົວໜ່ວຍທົດແທນຄ່າເສຍຫາຍຜົນກະທົບ ຕໍ່ຊັບສິນຈາກການສຳປະທານກໍ່ສ້າງໂຮງງານເຫຼັກກ້າ ບ້ານຫາດໄຄ້ ແລະ ບ້ານທ່າບົກ, ເມືອງທ່າພະບາດ, ແຂວງບໍລິຄຳໄຊ (ສະບັບສ້າງໃໝ່);

ພ້ອມນີ້, ກອງປະຊຸມ ຍັງຈະໄດ້ຮັບຟັງການອະທິບາຍ, ຊີ້ແຈງຈາກການນຳຂອງແຂວງ, ພະແນກການທີ່ກ່ຽວ ຂ້ອງຈຳນວນໜຶ່ງ ຕໍ່ຄໍາຊັກຖາມຂອງບັນດາທ່ານສະມາຊິກສະພາປະຊາຊົນແຂວງ.

ບັນດາເນື້ອໃນທີ່ນຳມາ​ຄົ້ນຄວ້າ​ພິຈາລະນາ ຮັບຮອງ​ໃນ​ກອງ​ປະຊຸມ​​ຄັ້ງ​ນີ້, ລ້ວນແລ້ວແຕ່ມີຄວາມໝາຍ ຄວາມສໍາຄັນ​ຍິ່ງ ໃນ​ການ​ກຳນົດ​ພາລະ​ບົດບາດ, ສິດ ​ແລະ ໜ້າ​ທີ່​ຂອງ​ສະພາ​ປະຊາຊົນ​ແຂວງ, ການຈັດ​ຕັ້ງ​ປະຕິບັດ​ແຜນພັດທະນາ​ເສດຖະກິດ-ສັງຄົມ ​ແລະ ​ແຜນ​ງົບປະມານຂອງແຂວງ, ສະນັ້ນ ຕາງໜ້າຄະນະປະຈໍາສະພາ​ປະຊາຊົນ​ແຂວງ, ສະມາ​ຊິກ​ສະພາ​ປະຊາຊົນ​ແຂວງ ຂໍຖື​ໂອກາດເຊີນຊວນມາຍັງພາກສ່ວນທີ່ກ່ຽວຂ້ອງ, ອົງການຈັດຕັ້ງສັງຄົມ, ປະຊາຊົນບັນດາເຜົ່າຊາວ​ແຂວງ​ບໍລິ​ຄຳ​ໄຊ ຈົ່ງໄດ້ພ້ອມ​ກັນເຂົ້າຮ່ວມ ​ໃຫ້ການຕິດຕາມ, ສະໜັບສະໜູນ ​ເຮັດ​ໃຫ້ກອງປະຊຸມຄັ້ງນີ້ ໄດ້ຮັບຜົນສຳເລັດຕາມຄາດໝາຍທີ່ວາງໄວ້;

ໃນ​ເວລາ​ດຳ​ເນີນ​ກອງ​ປະຊຸມ ຍັງ​ໄດ້​ຖ່າຍທອດສົດ ​ບາງ​ເນື້ອ​ໃນທີ່ສຳຄັນ​ຈຳນວນ​ໜຶ່ງ ຜ່ານສະຖານີວິທະຍຸ​ແຂວງ​ບໍລິ​ຄຳ​ໄຊ ​ແລະ ຍັງ​ໄດ້ເປີດກວ້າງການປະກອບຄຳຄິດ-ຄຳເຫັນ, ຄໍາສະ​ເໜີ ຈາກ​ພໍ່​ແມ່​ປະຊາຊົນ​ບັນ​ດາ​ເຜົ່າ ມາຍັງ​ກອງ​ປະຊຸມ ຜ່ານໂທລະສັບສາຍດ່ວນ ໝາຍເລກ 054 156 ໂດຍ​ບໍ່​ເສຍ​ຄ່າບໍລິການ.