ວັນທີ 25 ພະຈິກ 2022 ນີ້ ສະພາປະຊາຊົນ ແຂວງຫົວພັນ ໄດ້ຈັດຕັ້ງການ ເຊື່ອມຊຶມເຜີຍແຜ່ມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ XI, ບົດບັນທຶກ ຮ່ວມມື ລະຫວ່າງ ແຂວງຫົວພັນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ແຂວງເຊິນລາ ແຫ່ງ ສາທລະນະລັດ ສັງຄົມນິຍົມວຽດນາມ ໄລຍະປີ 2022 – 2024, ວັນສະຖາປະນາ ສປປ ລາວ ຄົບຮອບ 47 ປີ ແລະ ວັນເກີດ ຂອງປະທານໄກສອນ ພົມວິຫານຄົບົບຮອບ 102 ປີ ຂຶ້ນທີ່ຫ້ອງປະຊຸມ ສະພາປະຊາຊົນແຂວງ ໃຫ້ກຽດເຜີຍແຜ່ ແລະ ເຊື່ອມຊຶມຄັ້ັ້ງນີ້ ແມ່ນ ທ່ານ ສົມສັກ ດອນຈານິດ ກຳມະການພັກແຂວງ ຮອງປະທານ ສພຂ,ແລະ ທ່ານ ແທງ ວິໄລພອນ ກຳມະການຄະນະປະຈຳ, ປະທານ ຄະນະກຳມະການເສດຖະກິດ – ແຜນການ ແລະ ການເງິນ ສະພາປະຊາຊົນແຂວງ ມີຄະນະປະຈໍາ ສພຂ, ຄະນະເລຂາທິການ ຕະຫຼອດຮອດ  ພະນັກງານວິຊາການ ສພຂ ເຂົ້າຮ່ວມທັງໝົດ ການເຊື່ອມຊຶມຄັ້ງນີກໍ່ເພື່ອໃຫ້ ພະນັກງານນຳພາ, ພະນັກງານ – ລັດຖະກອນພາຍໃນ ໃຫ້ຮັບຮູ້ ແລະ ກຳ ແໜ້ນ ເນື້ອໃນຈິດໃຈ ຂອງເອກະສານດັ່ງກ່າວ

ຕອນທ້າຍຂອງພິທີ ທ່ານ ທ່ານ ສົມສັກ ດອນຈານິດ ກຳມະການພັກແຂວງ ຮອງປະທານສະພາປະຊາຊົນແຂວງ ຮຽກຮ້ອງ ແລະ ແນະນຳຕໍ່ພະນັງານທັງໝົດທີ່ໄດ້ເຊື່ອມຊຶມໃນຄັ້ງນີ້ ຈົ່ງກຳແໜ້ນບັນດາເນື້ອໃນຕ່າງໆ ຂອງເອກະສານ ນຳເອົາເນື້ອໃນເອກະສານ ໄປໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າໃຫ້ເກີດດອກອອກຜົນ ແລະ ປະກົດຜົນເປັນຈິງ.