ໃນອາທິດທີ່ຜ່ານມານີ້, ທ່ານ ກົງແກ້ວ ມີວໍລະຈັກ ປະທານສະພາປະຊາຊົນ ແຂວງສະຫວັນນະເຂດ ພ້ອມຄະນະໄດ້ລົງຢ້ຽມຢາມດ່ານ ປະເພນີ 9/2 ບ້ານແດນວິໄລ ໂດຍໃຫ້ການຕ້ອນຮັບຂອງທ່ານ ລຳແກ້ວ ແສງໜູທອງ ເຈົ້າເມືອງ ນອງ ພ້ອມສະມາຊິກສະພາປະຊາຊົນແຂວງປະຈຳເຂດເລືອກຕັ້ງ ເມືອງນອງ ພ້ອມດ້ວຍອ້າຍນ້ອງ ປກສ ປະຈຳດ່ານ ແລະຄະນະ ກອງຮ້ອຍທະຫານຊາຍແດນ 322 ເຂົ້າຮ່ວມ.

ໂອກາດທີ່ໄດ້ລົງເຄື່ອນໄຫວຢ້ຽມຢາມໃນຄັ້ງນີ້, ກໍ່ໄດ້ຮັບຟັງການ ລາຍງານສະພາບການຈັດຕັ້ງ ປະຕິບັດວຽກງານໃນໄລຍະຜ່ານມາ ຊຶ່ງໃຫ້ຮູ້ວ່າ: ດ່ານປະເພນີ 9/2 ແດນວິໄລ ເປັນອີກດ່ານໜຶ່ງ ທີ່ຢູ່ພາຍໃຕ້ການຊີ້ນຳ-ນຳພາຂອງ ກອງບັນຊາການ ປກສ ເມືອງນອງ ຕັ້ງຫ່າງຈາກເທສະບານເມືອງໄປ ທາງທິດຕາເວັນຕົກປະມານ 40 ກິໂລແມັດ ແລະມີຊາຍແດນ ຕິດຈອດໃນແຕ່ລະດ້ານຄື: ທິດ ເໜືອຕິດກັບບ້ານຈຽງເມືອງເຊໂປນ, ທິດໃຕ້ຕິດກັບບ້ານປະລຽງເກົ່າ ເມືອງນອງ, ທິດຕາເວັນ ອອກຕິດກັບບ້ານຕານົວເມືອງ ເຮືອງຮວ້າ ແຂວງກວາງຈິ ສສ ຫວຽດນາມ, ທິດຕາເວັນຕົກຕິດ ກັບບ້ານຕາກອຍ ເມືອງນອງ, ພາຍໃນດ່ານມີພະນັກງານທັງໝົດ 6 ສະຫາຍ, ດ້ານການຈັດຕັ້ງ ວຽກງານຜ່ານມາ ໄດ້ອອກໜັງສືຜ່ານແດນຊົ່ວຄາວໃຫ້ພົນລະ ເມືອງທີ່ເປັນເມືອງເຊິ່ງໜ້າສາມາດໄປໄດ້ 1 ຄັ້ງກຳນົດ 7 ວັນ, ສ່ວນປະຊາຊົນເບື້ອງຫວຽດນາມ ແມ່ນເຈົ້າໜ້າທີ່ເບື້ອງຫວຽດນາມ ອອກປຶ້ມຜ່ານແດນໃຫ້ສຳລັບເມືອງເຊິ່ງໜ້າ ສາມາດໄປໄດ້ 1 ຄັ້ງ, ກຳນົດ 15 ວັນ, ໄດ້ປະ ສານສົມທົບແລກປ່ຽນບົດຮຽນເຊິ່ງກັນ ແລະກັນທັງໄດ້ມີການ ສ່ອງແສງການພົວພັນວຽກງານ ຊາຍແດນລະຫວ່າງສອງດ່ານ ລາວ-ຫວຽດນາມ ໂດຍຜັດປ່ຽນກັນເປັນເຈົ້າພາບ ແລະໄດ້ກວດກາ ເວນຍາມຄວາມບໍ່ສະຫງົບລຽບ ຕາມຊາຍແດນບ້ານແຮກສ່ຽວ ເພື່ອໃຫ້ມີຄວາມເປັນລະບຽບຮຽບຮ້ອຍພາຍໃນ, ປະຈຸບັນດ່ານປະເພນີ 9/2 ລາວ ແລະປ້ອມສະແທັມ ສສ ຫວຽດນາມ ແມ່ນປິດໃຫ້ບໍລະ ການ ພາຍຫຼັງມີການລະບາດ ຂອງ ພະຍາດໂຄວິດ-19. ຜ່ານການລາຍງານ ທ່ານ ກົງແກ້ວ ມີວໍລະຈັກ ໄດ້ມີຄໍາຖາມເຈາະຈິ້ມ ກ່ຽວກັບການຈັດຕັ້ງປະຕິບັດວຽກງານ ຜ່ານມາ ໂດຍສະເພາະວຽກງານ ລຽບຕາມຊາຍແດນ ເພື່ອເກັບກຳ ຂໍ້ມູນຕ່າງໆທີ່ເຫັນວ່າຍັງບໍ່ສອດຄ່ອງ ພ້ອມທັງປັບປຸງລະບົບການຈັດຕັ້ງພາຍໃນດ່ານໃຫ້ຖືກຕ້ອງ ແລະເໝາະສົມກັບສະພາບຄວາມເປັນຈິງ.

ຫຼັງຈາກນັ້ນ ທ່ານປະທານ ສະພາປະຊາຊົນແຂວງ ກໍ່ໄດ້ເດີນ ທາງລົງຕິດຕາມຊຸກຍູ້ການສ້າງຂົວໄມ້ໄລ່ຂວາມເຊລະນອງ ເຊິ່ງ ເປັນປະເພນີຂອງປະຊາຊົນທີ່ ເຄີຍສືບທອດປະຕິບັດກັນມາ ພໍຕົກຮອດລະດູແລ້ງປະຊາຊົນທີ່ຢູ່ ພາກເຊລະນອງຈະໄດ້ສາມັກຄີກັນສ້າງຂົວໄມ້ໄລ່ຂຶ້ນມາໃນ ທຸກໆປີ ພາຍຫຼັງນ້ຳໄດ້ພັດເອົາຂົວ ດັ່ງກ່າວໄປໃນຊ່ວງລະດູຝົນ, ຂົວ ມີຄວາມກວ້າງ 3 ແມັດ, ຍາວ 265 ແມັດ, ໃຊ້ແຮງງານຈຳນວນ 168 ຄົນ ຈາກ 4 ບ້ານຄື: ບ້ານ ອາລັອງ, ບ້ານປໍ, ບ້ານວົງ ແລະ ບ້ານສະວຶ ພາຍຫຼັງທີ່ໄດ້ລົງເບິ່ງພື້ນທີ່ຕົວຈິງ ທ່ານ ກົງແກ້ວ ມີວໍລະຈັກ ຍັງໄດ້ປະກອບ ສ່ວນທຶນຮອນຊ່ວຍຊຸກຍູ້ພໍ່ແມ່ປະ ຊາຊົນສ້າງຂົວຂວ້າມເຊລະນອງ ເປັນເງິນ 3 ລ້ານກີບ ແລະພະ ນັກງານກະສິກຳດ່ານບ້ານດົງ ປະກອບອີກ 1 ລ້ານກີບ./