ເພື່ອເປັນການຍົກສູງຄວາມຮູ້, ຄວາມສາມາດໃຫ້ພະນັກງານສະພາປະຊາຊົນດ້ານການນໍາໃຊ້ວຽກງານໄອທີ ເຂົ້າໃນການປະຕິບັດໜ້າທີວຽກງານ, ສະນັ້ນມາໃນວັນທີ 2 ພະຈິກ 2022 ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ເປີດກອງປະຊຸມຝຶກອົບຮົມວຽກງານໄອທີ ແລະ ການຂຽນຂ່າວ ໂດຍການເປັນປະທານຂອງທ່ານ ນາງ ສາຍພູເງິນ ອຸດົມສຸກ ຄະນະປະຈໍາ ເລຂາທິການສະພາປະຊາຊົນແຂວງ, ມີຮອງປະທານຄະນະກໍາມະການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານສະພາປະຊາຊົນແຂວງເຂົ້າຮ່ວມ.

ເນື້ອໃນເອກະສານທີ່ນໍາມາຝຶກອົບຮົມໃນຄັ້ງນີ້ມີການເໜີການນໍາໃຊ້ເຄື່ອງມືສະມາດບອດ, ການແນະນໍາກ່ຽວກັບການນໍາໃຊ້ທູຄອນເຂົ້າໃນເຂົ້າຮ່ວມກອງປະຊຸມທາງໄກ, ແນະນໍາການນໍາໃຊ້ google Drive, ແນະນໍາການນໍາໃຊ້ເວັບໄຊຂອງສະພາແຫ່ງຊາດ ແລະ ແອບ lao na,  ແນະນໍາການແກ້ໄຂ USB ທີ່ຕິດໄວລັດ ແລະ ການແນະນໍາວິທີທີຂຽນຂ່າວ. ໃນກອງປະຊຸມໄດ້ດໍາເນີນໃນຮູບແບບບັນລະຍາຍ, ແລກປ່ຽນສົນທະນາເຊິ່ງກັນ ແລະ ກັນ ໃນກອງປະຊຸມໄດ້ດໍາເນີນໄປດ້ວຍບັນຍາກາດຟົດຟື້ນ.

ໃນທີປະຊຸມທ່ານນາງ ສາຍພູເງິນ ອຸດົມສຸກ ຍັງໃຫ້ຄໍາເຫັນໃຫ້ພະນັກງານສະພາປະຊາຊົນແຂວງຈົ່ງສຸມສະຕິປັນຍາ, ຄົ້ນຄວ້າ ແລ້ວສາມາດນໍາໄປຈັດຕັ້ງປະຕິບັດວຽກງານຕົວຈິງໃຫ້ໄດ້ດີຂຶ້ນກວ່າເກົ່າ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫັວນ ອິນທະແສງ