ວັນ​ທີ 1 ພະຈິກ 2022 ຢູ່​ທີ່​ຫ້ອງ​ປະຊຸມຂອງ​ສະພາ​ປະຊາຊົນ​ແຂວງ, ​ໄດ້​ມີ​ການ​ດຳ​ເນີນກອງປະຊຸມວຽກງານຄະນະ​ເລຂາທິການ ຂອງສະພາ​ປະຊາຊົນ​ແຂວງ​ຂື້ນ, ພາຍ​ໃຕ້​ການ​ເປັນ​ປະທານ ​ ຂອງທ່ານ ນາງ ສາຍພູເງິນ ອຸດົມສຸກ ຄະນະປະຈໍາ ເລຂາທິການສະພາປະຊາຊົນແຂວງ, ​ເປັນ​ກຽດ​ເຂົ້າ​ຮ່ວມ​ມີ​ບັນດາ​ທ່າ​ນຮອງ​ເລຂາທິການ, ຫົວໜ້າ-ຮອງຫົວໜ້າຂະແໜງ ​ແລະພະນັກງານສະພາປະຊາຊົນແຂວງເຂົ້າຮ່ວມ.

ຈຸດປະສົງໃນການເປີດກອງປະຊຸມຄັ້ງນີ ເພື່ອຜ່ານບົດສະຫຼຸບການເຄື່ອນໄຫວວຽກງານ ຂອງຄະນະເລຂາທິການສະພາປະຊາຊົນແຂວງປະຈໍາ 9 ເດືອນ ແລະ ທິດທາງແຜນການ ປະຈໍາ 3 ເດືອນ ປີ 2022 ແລະ ປຶກສາຫາລື, ປັບປຸງວຽກງານພາຍໃນສະພາປະຊາຊົນແຂວງ ແລະ ວຽກງານປິ່ນອ້ອມອື່ນໆ ເປັນຕົ້ນແມ່ນ: ການເປັນເສນາທິການໃຫ້ການນໍາ, ຂອດປະສານງານລະຫວ່າງ ຄະນະ ເລຂາທິການກັບບັນດາຄະນະແໜງການຂອງສະພາປະຊາຊົນແຂວງ, ວຽກງານການຈໍລະຈອນເອກະສານ, ວຽກປ້ອງກັນເວນຍາມສະພາປະຊາຊົນແຂວງ, ວຽກງານອະນາໄມຕຶກສະພາປະຊາຊົນແຂວງ  ແລະ ວຽກງານອື່ນອີກຈໍານວນ ໜຶ່ງທີ່ປິ່ນອ້ອມໃນຄະນະເລຂາທິການ.

ໃນຕອນທ້າຍທ່ານ ນາງສາຍພູເງິນ ອຸດົມສຸກ ໄດ້ມີຄໍາເຫັນໂອ້ລົມຕໍ່ກັບພະນັກງານສະພາ ປະຊາຊົນແຂວງ ຈົ່ງສືບຕໍ່ຊອກຄົ້ນຄວ້າຮໍ່າຮຽນວຽກງານຕ່າງໆ ເພື່ອສາມາດນໍາເຂົ້າໃນການຈັດຕັ້ງ ປະຕິບັດວຽກງານຕົວຈິງໃຫ້ດີຂຶ້ນກວ່າເກົ່າ, ເອົາໃຈໃສ່ປະຕິບັດພາລະບົດຂອງຕົນຢ່າງຕັ້ງໜ້າ ແລະ ຈົ່ງຮັກສາຄວາມສາມັກຄີພາຍໃນໃຫ້ແໜ້ນແຟ້ນກວ່າເກົ່າ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫັວນ ອິນທະແສ