ໃນຕອນບ່າຍ ວັນທີ 27 ກັນຍາ 2022 ຢູ່ທີ່ຫ້ອງຮັບແຂກຫ້ອງວ່າການແຂວງແທັງຮວ່າ ສສ ຫວຽດນາມ ນຳໂດຍ ທ່ານ ນ. ອຳໄພວອນ ລ້ອມບຸນແພງ ກໍາມະການສຳຮອງສູນກາງພັກ, ຮອງເລຂາພັກ, ປະທານຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 , ປະທານສະພາປະຊາຊົນແຂວງຫົວພັນ ພ້ອມດ້ວຍຄະນະຜູ້ແທນສະພາປະຊາຊົນແຂວງ ເຂົ້າຢ້ຽມຂໍ່ານັບ ສະຫາຍ ໂດ ຈັອງ ຮຶງ ກຳມະການຄະນະບໍລິຫານງານ ສູນກາງພັກ, ເລຂາພັກແຂວງ ປະທານສະພາປະຊາຊົນແຂວງແທັງຮວ່າ ສສ ຫວຽດນາມ, ໃນໂອກາດ ຄະນະຜູ້ແທນສະພາປະຊາຊົນແຂວງຫົວພັນ ຢ້ຽມຢາມ ແລະ ເຮັດວຽກ ຢູ່ ແຂວງແທັງຮວ່າສສ.ຫວຽດນາມ ໃນລະຫວ່າງ ວັນທີ 28-30 ກັນຍາ 2022.
ໃນການເຂົ້າຂ່ຳນັບຄັ້ງນີ້ ທ່ານປະທານສະພາປະຊາຊົນແຂວງໄດ້ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະ ການເຄື່ອນໄຫວວຽກງານຂອງສະພາປະຊາຊົນແຂວງ ໃຫ້ ສະຫາຍເລຂາພັກແຂວງ, ປະທານສະພາປະຊາຊົນແຂວງແທັງຮວ່າ ສສ ຫວຽດນາມໄດ້ຮັບຊາບ.
ພ້ອມນັ້ນ, ຍັງໄດ້ສະແດງຄວາມຂອບໃຈໃນການຕອ້ນຮັບຢ່າງອົບອຸ່ນ ຈາກການນຳຂອງແຂວງ, ສະພາປະຊາຊົນແຂວງ ແທັງຮ່ວາ ທີ່ໄດ້ສ້າງເງື່ອນໄຂ ອໍານວຍຄວາມສະດວກໃຫ້ຄະນະຜູ້ແທນໄດ້ເຄື່ອນໄຫວເຮັດວຽກ ແລກປ່ຽນບົດຮຽນໃນຄັ້ງນີ້ໄດ້ຮັບຜົນສຳເລັດຢ່າງຈົບງາມ.
ພາບ ແລະ ຂ່າວ: ນັກຂ່າວ ສພຂ ຫົວພັນ