ໃນຕອນເຊົ້າວັນທີ 19 ຕຸລາ 2022, ສະມາຊິກສະພາແຫ່ງຊາດ ແລະ ສະພາປະຊາຊົນແຂວງຜົ້ງສາລີ ນໍາໂດຍທ່ານ ສົມຈິດ ຫັບລະກອນ ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 2, ຮອງປະທານສະພາປະຊາຊົນແຂວງ, ທ່ານ ອູ່ຄໍາ ຕຸລາພັນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ, ຫົວໜ້າຫ້ອງວ່າການແຂວງ ແລະ ທ່ານ ຄໍາພັນ ຄຸນສົມບັດ ສະມາຊິກສະພາປະຊາຊົນແຂວງ, ຮອງປະທານຄະນະກໍາມະການຍຸຕິທໍາ ແລະ ປກຊ-ປກສ ລົງເຄື່ອນໄຫວ ພົບປະ ນາຍ-ພົນທະຫານ ຢູ່ໂຮງຮຽນທະຫານທ້ອງຖິ່ນ ທີ່ເມືອງບຸນເໜືອ, ແຂວງຜົ້ງສາລີ

ໃນການລົງເຄື່ອນໄຫວພົບປະ ຄັ້ງນີ້ ເປັນການນໍາເອົາເນື້ອໃນຜົນສໍາເລັດ ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ລົງໄປຈັດຕັ້ງຜັນຂະຫຍາຍ, ເຜີຍແຜ່ ແລະ ເຊື່ອມຊຶມ ໃຫ້ນາຍ-ພົນທະຫານ ໄດ້ຮັບຮູ້ ກ່ຽວກັບ ການຈັດຕັ້ງປະຕິບັດວຽກງານ ຂອງລັດຖະບານ, ຂອງອົງການປົກຄອງແຂວງ ແລະ ວຽກງານຂອງສະພາແຫ່ງຊາດ, ສະພາປະຊາຊົນແຂວງ ຕາມພາລະບົດບາດ, ສິດ ແລະ ໜ້າທີ່ ຂອງສະມາຊິກສະພາແຫ່ງຊາດ, ສະພາປະຊາຊົນແຂວງ ໃນຖານະເປັນຕົວແທນ ທີ່ກໍານົດໄວ້ໃນກົດໝາຍ.

ພາບ-ຂ່າວ: ສູນທອງ ວິໄລຈິດ