ຕອນເຊົ້າຂອງວັນອັງຄານ, ວັນທີ 13 ກັນຍາ 2022 ຢູທີ່ຫ້ອງປະຊຸມສະພາປະຊາຊົນແຂວງ, ໄດ້ເປີດກອງປະຊຸມປະຈໍາເດືອນ ສິງຫາ 2022 ຂອງຄະນະປະຈໍາ ສພຂ, ໂດຍການເປັນປະທານຂອງທ່ານ ຄໍາດີ ວົງລ້ອມ ຮອງເລຂາພັກແຂວງ, ປະທານ ສພຂ, ມີຮອງປະທານ ສພຂ ແລະ ບັນດາທ່ານໃນຄະນະປະຈໍາສະພາປະຊາຊົນແຂວງ ເຂົ້າຮ່ວມ.

ກອງປະຊຸມໄດ້ສະຫຼຸບຕີລາຄາການເຄື່ອນໄຫວວຽກງານປະຈໍາເດືອນ ສິງຫາ ແລະ ວາງທິດທາງແຜນການ ປະຈໍາເດືອນ ກັນຍາ 2022 ຂອງຄະນະປະຈໍາ ສພຂ, ໄດ້ຮັບຟັງການລາຍງານການຈັດຕັ້ງປະຕິບັດວຽກງານປະຈໍາເດືອນ ສິງຫາ ແລະ ວາງທິດທາງແຜນການ ປະຈໍາເດືອນ ກັນຍາ 2022 ຂອງ 3 ຄະນະກໍາມະການ, ໄດ້ຄົ້ນຄວ້າ, ພິຈາລະນາກ່ຽວກັບໂຄງການຝຶກອົບຮົມສ້າງຄວາມເຂັມແຂງ ໃຫ້ແກ່ສະມາຊິກສະພາປະຊາຊນົແຂວງ ແລະ ພະນັກງານຊ່ວຍວຽກ ຢູ່ເມືອງຮຸນ(ໂຄງການລົງທຶນປະເພດ V), ກ່ຽວກັບການລົງເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II, ກ່ຽວກັບການກຽມຄວາມພ້ອມໃນການຈັດສົ່ງເຄື່ອງຊ່ວຍເຫຼືອໃຫ້ປະຊາຊົນທີ່ຖືກຜົນກະທົບໄພພິບັດນໍ້າຖ້ວມ ແລະ ກ່ຽວກັບພາຫະນະຮັບໃຊ້ທ່ຽວການຂອງຄະນະປະຈໍາ ສພຂ, ຮອງປະທານ ຄະນະກໍາມະການ ແລະ ຮອງເລຂາທິການ.

 ກອງປະຊຸມໄດ້ປະກອບຄໍາເຫັນ, ປຶກສາຫາລືກັນຢ່າງກົງໄປກົງມາ ເພື່ອກໍາໄດ້ສະພາບການ, ຊອກຫາວິທີທາງແກ້ໄຂບັນຫາຕ່າງໆເກີດຂຶ້ນໃຫ້ເໝາະສົມ ແລະທັນກັບສະພາບການ.

ພາບ/ຂ່າວ: ແສງພອນ ອິນນະລົງ.