ໃນລະຫວ່າງວັນທີ 1 ສິງຫາ- 8 ກັນຍາ 2022 ພາຍຫຼັງສໍາເລັດ ກອງປະຊຸມສະໄໝສາມັນເທື່ອທີ 03 ຂອງ ສະພາປະຊາຊົນແຂວງ ຊຸດທີ II; ບັນດາທ່ານ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ13 ແລະ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ-ນະຄອນ ກໍ່ໄດ້ລົງເຜີຍແຜ່ຜົນສໍາເລັດຂອງກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດ ຊຸດທີ IX  ແລະ ສະພາປະຊາຊົນແຂວງ ຊຸດທີ II; ເຊິ່ງສໍາລັດໄປແລ້ວປະກອບມີ 09 ຄະນະດ່ງນີ້: ເມືອງໄຊບູລີ, ເມືອງຈໍາພອນ, ເມືອງອາດສະພອນ, ເມືອງອາດສະພັງທອງ, ເມືອງເຊໂປນ, ເມືອງພີນ, ເມືອງວິລະບູລີ, ເມືອງສອງຄອນ, ເມືອງນອງ.

ໂດຍໃນແຕ່ລະຄະນະແມ່ນໄດ້ເຜີຍແຜ່ກ່ຽວກັບ ຜົນສຳເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II,  ນອກຈາກນັ້ນ; ແຕ່ລະຄະນະຍັງໄດ້ຍົກໃຫ້ເຫັນຕື່ມກ່ຽວກັບບັນຫາການພັດທະນາເສດຖະກິດສັງຄົມໃນແຕ່ລະຫົວໜ່ວຍການຜະລິດ ແລະ ບັນຫາປະກົດການຫຍໍ້ທໍ້ທາງດ້ານການເງິນເພື່ອຫຼຸດຜ່ອນໄພເງິນເຟີ້ໃນສັງຄົມລາວເຮົາປະຈຸບັນ ແລະ ບັນຫາອື່ນໆອີກຈຳນວນໜື່ງ. ທັງນີ້;ກໍ່ເພື່ອເປັນການໂອ້ລົມຊີ້ນຳຕໍ່ບັນດາຄະນະອຳນາດການປົກຄອງບ້ານ ແລະ ຮັບຟັງຄຳຄິດຄຳເຫັນຈາກພໍ່ແມ່ປະຊາຊົນຕະຫຼອດຮອດອຳນາດການປົກຄອງທ້ອງຖິ່ນໃນການຈັດຕັ້ງວາລະແຫ່ງຊາດທີ່ຕິດພັນກັບການພັດທະນາເສດຖະກິດ-ສັງຄົມໃນແຕ່ລະທ້ອງຖິ່ນໃຫ້ສອດຄ່ອງຕໍ່ກັບແນວທາງນະໂຍບາຍໃໝ່ຂອງພັກວາງອອກໃນແຕ່ລະໄລຍະໃຫ້ປະກົດຜົນເປັນຈິງ

ໃນນັ້ນທ່ານຜູ້ແທນໄດ້ຍົກໃຫ້ເຫັນບັນຫາທີ່ສຳຄັນກ່ຽວກັບວາລະແຫ່ງຊາດເປັນຕົ້ນກໍ່ແມ່ນບັນຫາຢາເສບຕິດທີ່ລັດຖະບານໄດ້ພ້ອມກັນເລັ່ງແກ້ໄຂເປັນຫາໃຫຍ່ທີ່ເປັນການເບື່ອເມົາສັງຄົມເປັນຕົ້ນກໍ່ແມ່ນລູກຫລານທີ່ເປັນໜໍ່ແໜງຂອງຊາດໃຫ້ໜົດໄປເທື່ອລະກ້າວໂດຍເລັ່ງໃສ່ການແກ້ໄຂບັນຫາແຕ່ຂັ້ນຮາກຖານ,ບ້ານ ແລະ ກຸ່ມບ້ານໃນຂອບເຂດທົ່ວປະເທດເວົ້າລວມ,ເວົ້າສະເພາະກໍ່ຄືແຕ່ລະເມືອງ ໃຫ້ຫຼຸດພົ້ນອອກຈາກການຄອບງຳຂອງຢາເສບຕິດທີ່ແຜ່ລະບາດໃນສັງຄົມລາວປະຈຸບັນໃຫ້ໄດ້ໂດຍຊິ້ນເຊີງໂດຍອີງໃສ່ເຈົ້າໜ້າທີ່ກໍ່ຄືອຳນາດການປົກຄອງແຕ່ລະຂັ້ນເປັນເຈົ້າການຈັດຕັ້ງປະຕິບັດຢ່າງເຂັ້ມງວດ.