ມາດຕາ 5. ສອງຝ່າຍເຄົາລົບນັບຖື ແລະ ສະໜັບສະໜູນແນວທາງສາກົນທີ່ເອກະລາດ ສິດເປັນເຈົ້າຕົນເອງຂອງກັນ ແລະ ກັນຢ່າງສົມບູນ.

ສອງຝ່າຍອອກແຮງເພີ່ມທະວີຄວາມສາມັກຄີສູ້ຮົບ ແລະ ສາຍພົວພັນຮ່ວມມືກັບບັນດາປະເທດສັງຄົມນິຍົມອ້າຍນ້ອງ, ຕັ້ງໜ້າປະກອບສ່ວນກັບບັນດາສັງຄົມນິຍົມ, ຂະບວນການກອມມູນິດສາກົນ, ເພີ່ມທະວີຄວາມສາມັກຄີສະໜັບສະໜູນ ແລະ ຊ່ວຍເຫຼືອ ເຊິ່ງກັນ ແລະ ກັນ ບົນພື້ນຖານລັດທິມາກ-ເລນິນ ແລະ ລັດທິສາກົນກຳມະຊີບ ເພີ່ມທະວີນໍ້າໃຈສາມັກຄີສູ້ຮົບການຮ່ວມມືອັນຍາວນານ ແລະ ຊ່ວຍເຫຼືອ ເຊິ່ງກັນ ແລະ ກັນກັບປະເທດກຳປູເຈຍອ້າຍນ້ອງຢ່າງບໍ່ຢຸດຢັ້ງຕາມຫຼັກການສະເໝີພາບຢ່າງຄົບຖ້ວນ, ເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງກັນ, ເຄົາລົບຜົນປະໂຫຍດອັນຊອບທາໍຂອງກັນ, ບໍ່ແຊກແຊງເຂົ້າວຽກງານພາຍໃນຂອງກັນ, ສະໜັບສະໜູນພາລະກິດຕໍ່ສູ້ຂອງປະຊາຊົນ ບັນດາປະເທດອາຊີອາຄະເນ ເພື່ອເອກະລາດແຫ່ງຊາດ, ປະຊາທິປະໄຕ, ສັນຕິພາບ ແລະ ເປັນກາງອັນແທ້ຈິງ, ສ້າງ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືກັບບັນດາປະເທດ ໃນພາກພື້ນນີ້ ບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງກັນ, ບໍ່ຮຸກຮານກັນ, ບໍ່ແຊກແຊງເຂົ້າວຽກງານພາຍໃນຂອງກັນ, ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ, ຢູ່ຮ່ວມກັນດ້ວຍສັນຕິ, ສະໜັບສະໜູນການຕໍ່ສູ້ຂອງປະຊາຊົນບັນດາປະເທດຢູ່ທະວີບອາຊີ, ອາຟຣິກາ ຕ້ານລັດທິຈັກກະພັດ, ລັດທິລ່າເມືອງຂຶ້ນເກົ່າ ແລະ ໃໝ່, ລັດທິຈໍາແນກເຊື້ອຊາດ ເພື່ອເອກະລາດແຫ່ງຊາດ, ປະຊາທິປະໄຕ ແລະ ກ້າວໜ້າທາງສັງຄົມ, ສະໜັບສະໜູນການຕໍ່ສູ້ຂອງຊົນຊັ້ນກາໍມະກອນ ແລະ ຊາວຜູ້ອອກແຮງງານ ຢູ່ບັນດາປະເທດທຶນນິຍົມທີ່ທວງສິດທິມະນຸດ, ປະຊາທິປະໄຕ ແລະ ກ້າວໜ້າທາງສັງຄົມຕັ້ງໜ້າເຮັດສຸດຄວາມສາມາດຂອງຕົນ ເພື່ອປະກອບສ່ວນເຂົໃນພາລະກິດຕໍ່ສູ້ລວມຂອງປະຊາຊົນທົ່ວໂລກ ເພື່ອສັນຕິພາບ ເອກະລາດ, ປະຊາທິປະໄຕ ແລະ ລັດທິສັງຄົມນິຍົມ.