ໃນວັນທີ 22 ສິງຫາ 2022 ທີ່ສະໂມສອນຂອງແຂວງ ໄດ້ຈັດພິທີມອບ-ຮັບ ເຄື່ອງສຽງ Q12 ຈໍານວນ 10 ໜ່ວຍ ເຊິ່ງຕາງໜ້າບໍລິສັດ ມອບໂດຍ ທ່ານ ຈູ້ ຊ່ຽງ ລີ້ ຮອງອຳນວຍການ ບໍລິສັດ ຊີໂນ-ອາກຣິ ໂປຕາສ ຈໍາກັດ ແລະ ຕາງໜ້າຮັບໂດຍບັນດາທ່ານຫົວໜ້າຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງ 10 ຕົວເມືອງ, ເປັນກຽດເຂົ້າຮ່ວມໂດຍທ່ານ ບຸນມີ ພິມມະສອນ ຮອງເລຂາພັກແຂວງ ປະທານສະພາປະຊາຊົນແຂວງຄໍາມ່ວນ, ພ້ອມດ້ວຍບັນດາທ່ານຄະນະປະຈໍາສະພາປະຊາຊົນຂັ້ນແຂວງ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ຈຸດປະສົງຂອງການມອບ-ການນຳໃຊ້ເຄື່ອງສຽງໃນຄັ້ງນີ້ແມ່ນເພື່ອໄປນຳໃຊ້ເຂົ້າໃນການເຄື່ອນໄຫວວຽກງານຂອງສະພາປະຊາຊົນຂັ້ນແຂວງ ເປັນຕົ້ນການເຄື່ອນໄຫວໃນການໂຄສະນາເຜີຍຜົນສຳເລັດຂອງກອງປະຊຸມສະໄໝສາມັນຂອງສອງຂັ້ນແຕ່ລະຄັ້ງ ແລະ ວຽກງານອຶ່ນໆ.

ພ້ອມນັ້ນຍັງໄດ້ມອບໃບຍ້ອງຍໍ ຂອງຄະນະປະຈໍາສະພາປະຊາຊົນຄໍາມ່ວນ ໃຫ້ບໍລິສັດ ຊີໂນ-ອາກຣິ ໂປຕາສ.

ໂດຍ: ເອື້ອ ມະໂນສິງ