ຕອນເຊົ້າ ວັນທີ 22 ສິງຫາ 2022 ຄອບຄົວທ່ານ ວິສອນ ລາວເມົາ ໄດ້ນໍາເອົາປັດໄຈ ຈໍານວນ 5,000,000 ກິບ ແລະ ເສື້ອໂປໂລ (ກາເແຂ້) ຈໍານວນ 30 ຊຸດ ມູນຄ່າ 3,900,000 ມອບໃຫ້ກັບສະພາປະຊາຊົນແຂວງ ແລະ ພະແນກພະລັງງານ ແລະ ບໍ່ແຮ່ແຂວງ ມອບ ໂສລະເຊວ (solar cells) ຈໍານວນ 20 ຊຸດ ພ້ອມຕິດຕັ້ງອຸປະກອນດັ່ງກ່າວອ້ອມແອມອາຄານ ສະພາປະຊາຊົນແຂວງ ມູນຄ່າ 39,500,000 ກີບ. ທັງນີ້ກໍເພື່ອເປັນປະກອບສ່ວນໃຫ້ກັບການສະພາປະຊາຊົນແຂວງ ນໍາໃຊ້ເຂົ້າໃນການເຄື່ອນໄຫວວຽກງານຂອງສະພາປະຊາຊົນແຂວງ ກໍຄືສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 2 ແລະ ສະມາຊິກສະພາປະຊາຊົນແຂວງ.

ໃນພິທິ ຕາງໜ້າໃຫ້ຄອບຄົວ ກ່າວມອບໂດຍ ທ່ານ ວິສອນ ລາວເມົາ ແລະ ຕາງໜ້າໃຫ້ພະແນກພະລັງ ແລະ ບໍ່ແຮ່ແຂວງ ກ່າວມອບ ໂດຍທ່ານ ຍີນໄຊ ດວງພະຈັນ ຫົວໜ້າພະແນກພະລັງງານ ແລະ ບໍ່ແຮ່ແຂວງ, ຕາງໃຫ້ສະພາປະຊາຊົນແຂວງ ກ່າວຮັບໂດຍທ່ານ ທອງສີ ເສົາສຸລິພົມ ປະທານສະພາປະຊາຊົນແຂວງ;

ໃນໂອກາດດຽວກັນນີ້ເພື່ອສະແດງຄວາມຮູ້ບຸນຄຸນ ແລະ ສະແດງຂອບໃຈ ຕໍ່ການຊ່ວຍ ເຫຼືອສະພາປະຊາຊົນແຂວງໃນຄັ້ງນີ້, ທ່ານ ທອງສີ ເສົາສຸພົມ ຕາງໜ້າສະພາປະຊາຊົນແຂວງ ກ່າວມອບໃບກຽດຕິຄຸນ ໃຫ້ກັບຄອບຄົວທ່ານ ວິສອນ ລາວເມົາ ແລະ ພະແນກພະລັງ ແລະ ບໍ່ແຮ່ແຂວງ.

ພາບ-ຂ່າວ: ນາງ ສຸກສົມພອນ ແກ້ວແສງພະຈັນ