ເພື່ອສະຫຼຸບຕີລາຄາການເຄຶື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນ ການ 6 ເດືອນທ້າຍປີ 2022 ຂອງຄະນະກໍາມະການເສດຖະກິດ, ​ແຜນການ ແລະ ການເງິນ ສະພາປະຊາຊົນແຂວງຜ່ານມາ.

ໃນຕອນເຊົ້າຂອງວັນພະຫັດ, ວັນທີ 28 ກໍລະກົດ 2022, ຢູ່ທີ່ຫ້ອງປະຊຸມສະພາປະຊາຊົນແຂວງ ຄະນະກໍາມະການເສດຖະກິດ, ​ແຜນການ ແລະ ການເງິນ ສພຂ, ໄດ້ສະຫຼຸບການເຄຶື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນ ການ 6 ເດືອນທ້າຍປີ 2022 ຂອງຕົນຂຶ້ນ, ໂດຍການເປັນປະທານຂອງທ່ານ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານ ສພຂ, ຜູ້ຊີ້ນຳວຽກງານຄະນະກໍາມະການເສດຖະກິດ, ແຜນການ ແລະ ການເງິນ, ມີທ່ານ ທອງໄຊ ທໍ່ຈົງເລ່ຍຈີ ປະທານຄະນະກໍາມະການເສດຖະກິດ, ແຜນການ ແລະ ການເງິນ, ມີຮອງປະທານ, ບັນດາສະມາຊິກສະພາປະຊາຊົນແຂວງທີຢູ່ໃນຄະນະກຳມະການ, ຫົວໜ້າ/ຮອງຫົວໜ້າຂະແໜງ ແລະ ພະນັກງານພາຍໃນຂະແໜງເຂົ້າຮ່ວມ.

  ກອງປະຊຸມໄດ້ຮັບຟັງການລາຍງານຮ່າງບົດສະຫຼຸບການເຄຶື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນ ການ 6 ເດືອນທ້າຍປີ 2022 ຂອງຄະນະກໍາມະການເສດຖະກິດ, ​ແຜນການ ແລະ ການເງິນ ສພຂ, ເຊິ່ງສະແດງໃຫ້ເຫັນການເຄື່ອນໄຫວຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງຄະນະກໍາມະການ, ໂດຍໄດ້ຮັບການຊີ້ນໍາຈາກຄະນະພັກ, ຄະນະປະຈໍາສະພາປະຊາຊົນແຂວງ ແລະ ໄດ້ຮັບການຮ່ວມມືຈາກບັນດາຄະນະກໍາມະການຂອງ ສພຂ ແລະ ບັນດາພະແນກການກ່ຽວຂ້ອງ ເຮັດໃຫ້ສາມາດປະຕິບັດສິດ ແລະ ໜ້າທີ່ຂອງຕົນປະສົບຜົນສໍາເລັດໃນຫຼາຍໆດ້ານ ເປັນຕົ້ນ: ການປະຕິບັດພາລະບົດບາດດ້ານນິຕິກໍາ, ການປະຕິບັດພາລະບົດບາດດ້ານການຕົກລົງບັນຫາສໍາຄັນພື້ນຖານຂອງທ້ອງຖິ່ນ, ການປະຕິບັດພາລະບົດບາດດ້ານການຕິດຕາມກວດກາ, ວຽກງານຄໍາຮ້ອງຂໍຄວາມເປັນທຳ ແລະ ວຽກງານດ້ານອື່ນໆ. ຊິ່ງບົດສະຫຼຸບໄດ້ຍົກໃຫ້ເຫັນດ້ານດີຜົນງານ, ດ້ານອ່ອນຂໍ້ຄົງຂ້າງ ພ້ອມຍົກໃຫ້ເຫັນວິທີທາງປັບປຸງ ແລະ ແກ້ໄຂສະເພາະໜ້າ. ຈາກນັ້ນ, ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນຕໍ່ກັບບົດສະຫຼຸບດັ່ງກ່າວເພື່ອເຮັດໃຫ້ເນື້ອໃນສົມບູນ, ຄົບຖ້ວນ ແລະ ພ້ອມກັນນັ້ນດ ຍັງໄດ້ຄົ້ນຄ້ວາບັນດາຫົວຂໍ້ຕ່າງໆຂົງເຂດເສດຖະກິດທີ່ຈະນຳເຂົ້າຜ່ານໃນກອງປະຊຸມສະ  ໄໝສາມັນເທື່ອທີ 3 ຂອງສະພາປະຊາຊົນແຂວງ ອຸດົມໄຊ ຊຸດທີ II ຕື່ມອີກ.ພາບ/ຂ່າວ: ແສງພອນ ອິິນນະລົງ.