ໃນຕອນບ່າຍ ວັນທີ 19 ກໍລະກົດ 2022 ນີ້ ຢູ່ທີ່ສະພາປະຊາຊົນແຂວງສະຫວັນນະເຂດ, ໄດ້ມອບ-ຮັບລົດຊ່ວຍເຫຼືອ, ເປັນລົດນໍາສົ່ງຄົນເຈັບ(Ambulance)ຈໍານວນ 1 ຄັນ ໃຫ້ແກ່ໂຮງໝໍເມືອງ ນອງ, ເຊິ່ງລົດດັ່ງກ່າວໄດ້ຮັບຕໍ່ຈາກຄະນະເລຂາທິການສະພາແຫ່ງຊາດໂດຍໄດ້ຮັບການຊ່ວຍເຫຼືອລ້າຈາກມູນລະນິທິສະຫວັດດີການ ແລະ ສັງຄົມ GO & DO ແຫ່ງ ສ.ເກົາຫຼີ. ຕາງໜ້າມອບໂດຍທ່ານ ພູທອນ ພຸດທະຂັນຕິ ເລຂາທິການສະພາປະຊາຊົນແຂວງ ແລະ ຮັບໂດຍທ່ານ ລຳແກ້ວ ແສງໝູທອງ ກໍາມະການພັກແຂວງ ເຈົ້າເມືອງໆ ນອງ, ໂດຍການເຂົ້າຮ່ວມເປັນສັກຂີພິຍານຂອງບັນດາທ່ານຄະນະປະຈໍາ ສພຂ, ຄະນະເລຂາ ທິການ, ຕາງໜ້າຈາກພະແນກສາທາລະນະສຸກແຂວງ, ຫົວໜ້າຫ້ອງການສາທາລະນະສຸກເມືອງ ນອງ ແລະ ພາກສ່ວນກ່ຽວຂ້ອງເຂົ້າຮ່ວມ, ຈຸດປະສົ່ງຂອງການມອບລົດດັ່ງກ່າວ ແມ່ນເພື່ອນໍາໄປຮັບໃຊ້ເຂົ້າໃນວຽກງານສາທາລະນະສຸກເມືອງໃຫ້ເກີດຜົນປະໂຫຍດສູງສຸດ.