ຄັ້ງວັນທີ 26 ພຶດສາ 2022 ທີ່ຫ້ອງປະຊຸມສະພາປະຊາຊົນແຂວງໄດ້ມີການຈັດກອງປະຊຸມທາບທາມຮ່າງກົດໝາຍ 04 ສະບັບຄື: ຮ່າງກົດໝາຍວ່າດ້ວຍຊັບສິນຂອງລັດ (ປັບປຸງ), ຮ່າງກົດໝາຍວ່າດ້ວຍຄວາມປອດໄພຂອງເຂື່ອນ( ສ້າງໃໝ່), ຮ່າງກົດໝາຍວ່າດ້ວຍວິຈິດສິນ ( ສ້າງໃໝ່) ແລະ ຮ່າງກົດໝາຍວ່າດ້ວຍການແກ້ໄຂຄໍາຮ້ອງທຸກ ( ປັບປຸງ) ໂດຍການເປັນປະທານ ຂອງທ່ານ ນາງ ມີນາພອນ ໄຊສົມພູ ປະທານສະພາປະຊາຊົນແຂວງ, ເຂົ້າຮ່ວມມີສະມາຊິກສະພາແຫ່ງຊາດປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 5 ເມືອງ, ພະແນກການ, ອົງການທຽມເທົ່າຂັ້ນແຂວງ, ອົງການຈັດຕັ້ງມະຫາຊົນເຂົ້າຮ່ວມທັງໝົ້ດ 38 ທ່ານ, ຍິງ 8 ທ່ານ.

ໃນການດໍາເນີນກອງປະຊຸມທາບທາມຮ່າງກົດໝາຍດັ່ງງກ່າວປະທານໄດ້ມີຄໍາເຫັນເຈາະຈິ້ມບາງບັນຫາ ແລະ ຜູ້ແທນກອງປະຊຸມໄດ້ປະກອບຄໍາຄິດ,ຄໍາເຫັນໃສ່ຮ່າງກົດໝາຍດັ່ງກ່າວຢ່າງພ້ອມພຽງ ກອງປະຊຸມໄດ້ດໍາເນີນມາຮອດເວລາ 12:00 ກໍ່ໄດ້ສິ້ນສຸດລົງ.

(ຈັນທະຈອນ ໂກພິຈິດ)