ສະຫາຍນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ ໄດ້ໂອ້ລົມຕໍ່ກອງປະຊຸມ ຄົບຄະນະບໍລິຫານງານສູນກາງສະຫະພັນແມ່ຍິງລາວ (ສຍລ) ຄັ້ງທີ 5 ສະໄໝທີ VII ເມື່ອວັນທີ 23 ກໍລະກົດນີ້, ທີ່ສູນເຝິກອົບຮົມແມ່ຍິງລາວ ໂດຍການເປັນປະທານຂອງສະຫາຍນາງ ອິນລາວັນ ແກ້ວບຸນພັນ ກຳມະການສູນກາງພັກປະທານຄະນະບໍລິຫານງານ ສຍລ , ມີບັນດາສະຫາຍຄະນະບໍລິຫານງານສະຫະພັນແມ່ຍິງລາວ, ຮອງປະທານສູນກາງສະ ຫະພັນແມ່ຍິງລາວ, ຮອງປະ ທານສະຫະພັນແມ່ຍິງກະຊວງ, ອົງການ, ແຂວງ, ນະຄອນຫຼວງ, ແຂກຖືກເຊີນເຂົ້າຮ່ວມ. ຜ່ານການຮັບຟັງການລາຍງານຫຍໍ້ຜົນງານ ແລະ ຜົນ ສຳເລັດຂອງ ສຍລ ແຕ່ລະຂັ້ນຢ່າງມີຜົນສຳເລັດຂອງສະຫາຍນາງ ອິນລາວັນ ແກ້ວບຸນພັນ ໃນໂອກາດອັນມີຄວາມໝາຍສຳຄັນໃນຄັ້ງນີ້, ສະຫາຍ ນາງ ປານີ ຢາທໍ່ຕູ້ ໄດ້ມີຄຳເຫັນໂອ້ລົມ ຊຶ່ງກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານອັນໃຫຍ່ຫຼວງຂອງບັນດາສະຫາຍທີ່ຍາດມາໄດ້ນັ້ນ ແລະ ຕ້ອງພ້ອມກັນສຶບຕໍ່ເອົາໃຈໃສ່ຕື່ມບາງບັນ ຫາສຳຄັນດັ່ງລຸ່ມນີ້: 1. ບັນ ດາສະຫາຍຕ້ອງສຶບຕໍ່ຍົກສູງຂີດຄວາມສາມາດໃນການປະ ຕິ-ບັດສິດ ແລະ ໜ້າທີ່ຂອງຕົນຕາມທີ່ກຳນົດໃນກົດໝາຍວ່າດ້ວຍສະຫະພັນແມ່ຍິງລາວ, 2. ເພື່ອສຶກສາອົບຮົມເຕົ້າໂຮມຄວາມສາມັກຄີ ແລະ ເສີມຂະ ຫຍາຍກຳລັງແຮງຂອງແມ່ຍິງລາວບັນດາເຜົ່າ, 3. ຕ້ອງເພີ່ມທະວີຄວາມຮັບຜິດຊອບໃນການປະຕິບັດສິດ, ໜ້າທີ່ໃນການຄຸ້ມຄອງແລະກວດກາກ່ຽວກັບການພັດທະນາ ແລະ ປົກປ້ອງແມ່ຍິງ, 4. ຕ້ອງເອົາໃຈ ໃສ່ໃນການປະຕິບັດສິດ, ໜ້າທີ່ຕາມທີ່ກຳນົດໃນກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ ຍິງ ແລະ ເດັກ, 5. ເພື່ອຮັບປະກັນຄຸນນະພາບໃນການປະ ຕິບັດພາລະບົດບາດເປັນຕົວແທນໃນການພັດທະນາ, ການສົ່ງເສີມຄວາມກ້າວໜ້າຂອງແມ່ຍິງ, 6. ສືບຕໍ່ພົວພັນຮ່ວມມືກັບແມ່ຍິງປະເທດເພື່ອນມິດຍຸດທະສາດ, ປະເທດເພື່ອນມິດ ແລະ ອົງການຈັດຕັ້ງສາ ກົນໃນການແລກປ່ຽນບົດຮຽນ, ການສະໜັບສະໜູນດ້ານງົບ ປະມານເຂົ້າໃນການເຄື່ອນ ໄຫວວຽກງານພັດທະນາ ແລະປົກປ້ອງແມ່ຍິງເດັກນ້ອຍ, 7. ເອົາໃຈໃສ່ຈັດຕັ້ງຜັນຂະຫຍາຍຄຳສັ່ງເລກທີ 04/ຄລສພ, ລົງວັນທີ 7 ກໍລະກົດ 2018 ວ່າດ້ວຍການກະກຽມດຳເນີນກອງປະຊຸມໃຫຍ່ອົງຄະນະພັກກະຊວງອົງການ, ແຂວງນະຄອນຫຼວງ, ອົງຄະນະພັກເມືອງນະຄອນແລະ ຮາກຖານພັກໃນຂອບເຂດທົ່ວປະເທດ, ຜັນຂະ-ຫຍາຍເປັນແຜນການກະກຽມດຳເນີນກອງປະຊຸມໃຫຍ່ສະຫະພັນແມ່ຍິງແຕ່ລະຂັ້ນເພື່ອເປັນເງື່ອນໄຂໃຫ້ແກ່ການດຳເນີນກອງປະ ຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VIII ໃນປີ 2020 ທີ່ຈະມາເຖິງນີ້ຢ່າງມີຜົນສຳເລັດຕາມລະດັບຄາດໝາຍ. ສະຫາຍຍັງໄດ້ກ່າວເນັ້ນຕື່ມເລື່ອງສິ່ງກີດ ຂວາງທີ່ກາຍເປັນອຸປະສັກໃນການພັດທະນາ, ສືບຕໍ່ປັບປຸງການຈັດຕັ້ງສະຫະພັນແມ່ຍິງໃຫ້ມີຄວາມເຂັ້ມແຂງໃນການເຕົ້າໂຮມຄວາມສາມັກຄີໃນທຸກຂົງເຂດຈະຕ້ອງເສີມຂະຫຍາຍສິ່ງທີ່ດີໃຫ້ມີຄວາມກ້າວໜ້າເພື່ອປະກອບສ່ວນເຂົ້າໃນການພັດທະນາປະເທດຊາດເພື່ອຍົກສູງບົດບາດແມ່ຍິງໃນເວທີພາກພື້ນ, ສາກົນ.