(ສພຊ) ຕອນເຊົ້າວັນສຸກທີ 5 ສິງຫາ ຜ່ານມາ, ທ່ານ ເອກສະຫວ່າງ ວົງ ວິຈິດ ກຳມະການຄະນະປະຈຳ, ປະທານກຳມາທິການຕ່າງປະເທດ ສະພາ ແຫ່ງຊາດ ໄດ້ຕ້ອນຮັບການຢ້ຽມຂໍ່ານັບຂອງທ່ານ ນາງ ແອນນາ ເບັນ ບັນ ເດດ (Enna Viant Valdes) ເອກອັກຄະລັດຖະທູດວິສາມັນ ຜູ້ມີອຳນາດ ເຕັມ ແຫ່ງສາທາລະນະລັດກູບາ ປະຈຳ ສປປລາວ ໃນໂອກາດ ທີ່ມາດຳລົງ ຕຳແໜ່ງ ເປັນ ເອກອັກຄະລັດຖະທູດຄົນໃໝ່. ໃນການຕ້ອນຮັບ, ທ່ານ ເອກສະຫວ່າງ ວົງວິຈິດ ໄດ້ສະແດງຄວາມຍິນດີ ຕ້ອນຮັບ ແລະຊົມເຊີຍຕໍ່ການມາຮັບໜ້າທີ່ສຳຄັນຂອງທ່ານ ນາງ ແອນນາ ເບັນ ບັນເດດ ທັງຕີລາຄາສູງຕໍ່ສາຍ ພົວພັນມິດຕະພາບ ອັນດີງາມ ຂອງສອງຊາດລາວ-ກຸບາ ກໍຄືສອງອົງການນິຕິບັດຍັດ ທີ່ມີມານັບແຕ່ດົນນານ ກໍຄື ປັດຈຸບັນ; ພ້ອມນັ້ນ, ຍັງສະເໜີວ່າ ໃນໄລຍະທີ່ມາດຳລົງຕຳແໜ່ງ ຂອງທ່ານ ເອກອັກຄະລັດຖະທູດ ຈະສືບຕໍ່ສົ່ງ ເສີມການ ແລກປ່ຽນ ຮ່ວມມືເຊິ່ງກັນ ແລະກັນຫຼາຍຂຶ້ນ. ທ່ານ ນາງ ແອນນາ ເບັນ ບັນເດດ ໄດ້ສະແດງຄວາມຂອບໃຈຕໍ່ການຕ້ອນຮັບ ອັນອົບອຸ່ນ ຈາກທ່ານ ປະທານກຳ ມາທິການ ຕ່າງປະເທດທັງໃຫ້ຄຳໝັ້ນວ່າ ຈະສືບຕໍ່ສົ່ງເສີມສາຍພົວພັນຮ່ວມມື ລະຫວ່າງສອງພັກ ສອງລັດ ກໍຄືປະ ຊາຊົນສອງຊາດ ໃຫ້ນັບມື້ດີຂຶ້ນເລື້ອຍໆ. ນອກຈາກນັ້ນ, ທັງສອງຝ່າຍຍັງໄດ້ຫາລືບາງບັນຫາ ທີ່ມີຄວາມສົນໃຈຮ່ວມກັນ ຢ່າງກົງໄປກົງມາອີກດ້ວຍ. (ນາງ ປາກາລັກ ພົມມີໄຊ)