ຕອນບ່າຍຂອງວັນພະຫັດທີ 31 ມີນາ 2022 ນີ້ ຢູ່ທີ່ຫ້ອງປະຊຸມສະພາປະຊາຊົນແຂວງ ທ່ານ ຄໍາແສງ ອາລີ ກໍາມະການພັກແຂວງ, ຫົວໜ້າພະແນກໂຍທາທິການ ແລະ ຂົນສົ່ງແຂວງ ແລະ ທ່ານ ອາລຸນ ບຸນວິໄລ ຫົວໜ້າພະແນກພະລັງງານ ແລະ ບໍ່ແຮ່ແຂວງ ແລະ ຄະນະທິມງານ ໄດ້ມອບອຸປະກອນຮັບໃຊ້ໃນການເຄື່ອນໄຫວວຽງານໃຫ້ສະພາປະຊາຊົນແຂວງອຸດົມໄຊ ຕາງໜ້າຮັບໂດຍແມ່ນທ່ານ ຄໍາດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ມີບັນດາທ່ານຄະນະປະຈໍາສະພາປະຊາຊົນແຂວງ ແລະ ຄະນະເລຂາທິການສະພາປະຊາຊົນແຂວງເຂົ້າຮ່ວມ.

          ບັນດາອຸປະກອນທີ່ນໍຳມາມອບໃນຄັ້ງນີ້ປະກອບມີ: ໂປຼເຈັກເຕີ່ 1 ຊຸດ, ໂນດບຸກ 1 ເຄື່ອງ, ລວມມູນຄ່າ 13.700.000 ກີບ(ມອບໂດຍພະແນກໂຍທາທິການ ແລະ ຂົນສົ່ງແຂວງ) ແລະ ໂທລະໂຄ່ງ 1 ຊຸດ, ຄັອມພິວເຕີ່ຕັ້ງໂຕະ 1 ຊຸດ, ລວມມູນຄ່າ 10.450.000 ກີບ(ມອບໂດຍພະແນກພະລັງງານ ແລະ ບໍ່ແຮ່ແຂວງ).

          ຈາກນັ້ນ ປະທານສະພາປະຊາຊົນແຂວງ ໄດ້ຕາງໜ້າຄະນະປະຈໍາສະພາປະຊາຊົນແຂວງ, ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ ກໍ່ໄດ້ສະແດງຄວາມຂອບໃຈມາຍັງ 2 ພະແນກການ ແລະ ຄະນະທິມງານ ທີ່ໄດ້ສະໜອງອຸປະກອນຮັບໃຊ້ທີ່ຈໍາເປັນໃຫ້ສະພາປະຊາຊົນແຂວງ, ໃນນີ້ອຸປະກອນຈະນຳໃຊ້ເຂົ້າໃນວຽກງານຂອງສະພາປະຊາຊົນແຂວງ, ກອງປະຊຸມສະໄໝສາມັນແຕ່ລະຄັ້ງ(ໂປຼເຈັກເຕີ່), ສ່ວນໂທລະໂຄ່ງແມ່ນຈະນໍາໄປມອບໃຫ້ບ້ານ ແລະ ຄັອມພິວເຕີ່ຈະນໍາໄປມອບໃຫ້ຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ ເພື່ອນໍາໃຊ້ເຂົ້າໃນວຽກງານຕົວຈິງໃຫ້ເກີດຜົນປະໂຍດສູງສຸດ.

(ພາບ, ຂ່າວ: ແສງພອນ ອິິນນະລົງ).