ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ໃນຕອນເຊົ້າຂອງວັນທີ 28 ມັງກອນ 2022 ທີ່ໂຮງຮຽນມັດທະຍົມສົມບູນດົງບັງ, ສະຫາຍ ສຈ.ປອ. ຈະເລີນ ເຍຍປາວເຮີ ກໍາມະການສູນກາງພັກ, ຮອງປະທານສະພາແຫ່ງຊາດ ທັງເປັນປະທານສະມາຄົມມິດຕະພາບ ລາວກູບາ ແລະ ສະຫາຍ ປາໂບຣ ແອນໂທນີໂອ ໂຣດິເກດສ ວິດໍ Pablo Antonio Rodriguez Vidal ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ .ກູບາ ປະຈໍາ ສປປລາວ; ຕາງໜ້າຄະນະພົວພັນຕ່າງປະເທດສູນກາງພັກ, ອົງການປົກຄອງນະຄອນຫລວງວຽງຈັນ ແລະອົງການປົກຄອງເມືອງໄຊທານີ ພ້ອມດ້ວຍບັນສະຫາຍຄະນະບໍລິຫານງານແລະ ສະມາຊິກສະມາຄົມມິດຕະພາບລາວກູບາ, ຄູອາຈານ, ນັກຮຽນ ແລະອົງການປົກຄອງບ້ານ ໄດ້ເຂົ້າຮ່ວມພິທີວາງກະຕ່າດອກໄມ້ຕໍ່ໜ້າຮູບປັ້ນຂອງສະຫາຍ ໂຮເຊ ມາກຕີ ເປເຮັສ ວິລະຊົນແຫ່ງຊາດ ແຫ່ງ ສ.ກູບາ ເນື່ອງໃນວັນຄ້າຍວັນເກີດຄົບຮອບ 169 ປີ (28/1/1853-28/1/2022).

ການວາງກະຕ່າດອກໄມ້ຄັ້ງນີ້ ເພື່ອເປັນການລະນຶກເຖິງຄຸນງາມຄວາມດີຂອງສະຫາຍ ໂຮເຊ ມາກຕີ ເປເຣັສ ທີ່ມີຕໍ່ພາລະກິດປະຕິດວັດກູບາກໍຄືພັກກອມມູນິດກູບາ ທັງເປັນສັນຍາລັກແຫ່ງການພົວພັນມິດຕະພາບແລະ ການຮ່ວມມືທີ່ມີມູນເຊື້ອັນດີງາມ ລະຫວ່າງສອງພັກ, ສອງລັດ ແລະປະຊາຊົນສອງຊາດລາວ ແລະ ກູບາ ກໍຄືລະຫວ່າງສອງສະມາຄົມມິດຕະພາບລາວກູບາ ແລະ ກູບາລາວ; ເພື່ອໃຫ້ນັກຮຽນນັກສຶກສາ ແລະປະຊາຊົນລາວ ໄດ້ຮັບຮູ້ ແລະ ເຂົ້າໃຈເຖິງປະຫວັດສາດແຫ່ງການຕໍ່ສູ້ປະຕິວັດອັນກ້າແກ່ນ, ຄວາມສາມັກຄີເປັນຈິດໜຶ່ງໃຈດຽວຂອງປະຊາ ຊົນກູບາ ທີ່ຢູ່ອ້ອມຂ້າງພັກກອມມູນິດກູບາ ທັງເປັນໂອກາດຮຽນຮູ້ກ່ຽວກັບຊີວິດແລະ ວິລະກໍາປະຕິວັດຂອງສະຫາຍ ໂຮເຊ ມາກຕີ ເປເຣັສ.

(ພາບ ແລະ ຂ່າວ: ສອນສັກ ວັນວິໄຊ)