ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ທ່ານ ພັຕ ທຸດສະຫວັນ ແກ້ວຄໍາເພັດ ຮອງພະແນກຕໍາຫລວດ ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດວຽກງານ ໃນໄລຍະ 6 ເດືອນຕົ້ນປີ 2022 ຕໍ່ທ່ານນາງ ຈັນທະລີ ສີສຸວົງ ປະທານຄະນະກຳມະການຍຸຕິທໍາ ແລະ ປກຊ-ປກສ (ຄຍປປ) ສະພາປະຊາຊົນແຂວງ ອັດຕະປື ພ້ອມຄະນະ ໃນໂອກາດທີ່ລົງເຄື່ອນໄຫວຕິດຕາມກວດກາ ແລະ ເກັບກໍາຂໍ້ມູນ ກ່ຽວກັບການຈັດຕັ້ງປະຕິບັດວຽກງານໃນໄລຍຜ່ານມາ ຢູ່ກອງບັນຊາການ ປກສ ເມືອງ ຊານໄຊ ໃນຕອນບ່າຍວັນທີ 7 ກໍລະກົດ 2022 ນີ້. ມີຄະນະກອງບັນຊາການ ຕະຫລອດຮອດນາຍ ແລະ ພົນຕໍາຫລວດເຂົ້າຮ່ວມ.

ການລາຍງານໃຫ້ຮູ້ວ່າ: ໃນ 6 ເດືອນຕົ້ນປີ ຜ່ານມາ ວຽກງານສຶບສວນ-ສອບສວນ ໄດ້ມີຄະດີເກີດຂຶ້ນ 7 ເລື່ອງ: ຄະດີລັກຊັບ 5 ເລື່ອງ, ຄະດີການທໍາຮ້າຍຮ່າງກາຍ,ທາລຸນແມ່ຍິງ ແລະ ເດັກ 1 ເລື່ອງ, ຄະດີທໍາມິດສະຈານ 1 ເລື່ອງ, ດໍາເດີນການສຶບສວນ-ສອບສວນສະຫລຸບສົ່ງຟ້ອງໃຫ້ອົງການໄອຍະການສໍາເລັດ 2 ເລື່ອງ, ໂຈະການດໍາເນີນຄະດີ 3 ເລື່ອງ,ຊັກມ້ຽນຕາມກົດໝາຍ 1 ເລື່ອງ, ພວມດໍາເນີນສຶບສວບ-ສອບສວນ 1 ເລື່ອງ, ວຽກງານສະກັດກັ້ນຕ້ານຢາເສບຕິດ ໄດ້ທັບມ້າງການຄ້າ-ຂາຍຢາເສບຕິດໄດ້ 1 ລາຍ, ກັກຕົວຜູ້ກະທໍາຜິດ 1 ຄົນ,ຂອງກາງປະເພດຢາບ້າ 54 ເມັດ,ລົດຈັກ 1ຄັນ, ເງີນສົດ 500,000ກີບ. ວຽກຄ້າຍກັກຂັງຊົ່ວຄາວ ໄດ້ມີນັກໂທດ ແລະ ຕ້ອງຫາ ທັງໝົດ 65 ຄົນ,ຍິງ 2 ຄົນ, ໃນນັ້ນ ຕ້ອງຫາຂອງເມືອງມີ 4 ຄົນ, ຍິງ 1 ຄົນ, ນັກໂທດ 1 ຄົນ, ປ່ອຍຕົວຕາມຄໍາສັ່ງໄອຍະການ 2 ຄົນ,ຍິງ 1 ຄົນ, ລັກລອບໂຕນຄ້າຍ 1 ຄົນ, ມອບໃຫ້ແຂວງ 60 ຄົນ, ປັດຈຸບັນມີໜ້າຕົວຈິງໃນ ປກສ ເມືອງ 2 ຄົນ, ນັກໂທດ 1 ຄົນ.

(ພາບ-ຂ່າວ:ວິນັດ ສພຂ)