ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໂອກາດທີ່ທ່ານ ນາງ ຈັນທະລີ ສີສຸວົງ ປະທານຄະນະກຳມະການຍຸຕິທໍາ ແລະ ປກຊ-ປກສ (ຄຍປປ) ສະພາປະຊາຊົນແຂວງ ອັດຕະປື ລົງເຄື່ອນໄຫວຕິດຕາມກວດກາ ແລະ ເກັບກໍາຂໍ້ມູນ ກ່ຽວກັບການຈັດຕັ້ງປະຕິບັດວຽກງານໃນໄລຍຜ່ານມາ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ. ໃນຕອນເຊົ້າວັນທີ 7 ກໍລະກົດ 2022. ຢູ່ ກອງບັນຊາການ ປກສ ເມືອງໄຊເສດຖາ ເຊິ່ງມີ ທ່ານ ພັທ ອໍາມອນ  ດວງພິລາລົມ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງໄຊເສດຖາ ພ້ອມດ້ວຍຄະນະກອງບັນຊາການ ຕະຫລອດຮອດນາຍ ແລະ ພົນຕໍາຫລວດເຂົ້າຮ່ວມ.

 

 

ທ່ານ ພັທ ບຸນດົ້ງ ພິຈິດ ຮອງຫົວໜ້າກອງບັນຊາການ ປກສ ເມືອງ ຜູ້ຊີ້ນໍາວຽກງານຕໍາຫລວດ ໄດ້ລາຍງານໂດຍຫຍໍ້ບາງວຽກງານໃນ 6 ເດືອນຕົ້ນປີ 2022 ໃຫ້ຮູ້ວ່າ: ເຈົ້າໜ້າທີ່ ປກສ ເມືອງໄດ້ທັບມ້າງການເຄື່ອນໄຫວ ຄ້າ-ຂາຍ ຢາເສບຕິດ ທັງໝົດ 16 ຄັ້ງ, ກັກຕົວເປົ້າໝາຍໄດ້ 36 ຄົນ,ຍິງ 6 ຄົນ, ຢຶດຂອງກາງຢາບ້າໄດ້ທັງໝົດ 3,145 ເມັດ,ໂທລະສັບ 20 ໜ່ວຍ, ລົດຈັກ 12 ຄັນ, ເງີນສົດ 5,250,000 ກີບ, ນອກນີ້ ປກສ ເມືອງ ຍັງໄດ້ເຂົ້າຮ່ວມທັບມ້າງ ກັບ ປກສ ແຂວງ ໄດ້ທັງໝົດ 7 ຄັ້ງ, ກັກຕົວຜູ້ຖືກຫາໄດ້ 18 ຄົນ,ຍິງ 7 ຄົນ,ຢຶດຂອງກາງຢາບ້າ 7,316 ເມັດ,ລົດຈັກ 7 ຄັນ,ລົດໃຫ່ຍ 1 ຄັນ, ໂທລະສັບ 6 ໜ່ວຍ,  ເງີນສົດ 3,910,000 ກີບ. ວຽກງານຄ້າຍຄຸມຂັງ-ດັດສ້າງ ໄດ້ກັກຂັງຜູ້ຖືກຫາທີ່ມີຄໍາສັ່ງຕາມກົດໝາຍ ຈໍານວນ 35 ຄົນ,ຍິງ 1 ຄົນ, ຜູ້ຖືກຫາທີ່ຝາກ ຄຸມຂັງສະເພົາທອງມີ 2 ຄົນ, ສານຕັດສີນລົງໂທດສົ່ງໃຫ້ແຂວງ ຈໍານວນ 6 ຄົນ, ປ່ອຍພາງ ຈໍານວນ 5 ຄົນ, ປ່ອຍຕົວ ຈໍານວນ 19 ຄົນ, ຕ້ອງຫາກັກຂັງຢູ່ເມືອງມີໜ້າຕົວຈິງ 11 ຄົນ,ຍິງ 1 ຄົນ.

(ວິນັດ)