ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍຂອງວັນທີ 6 ກໍລະກົດ 2022. ການລົງເຄື່ອນໄຫວຕິດຕາມກວດກາ ແລະ ເກັບກໍາຂໍ້ມູນ ຂອງຄະນະກຳມະການຍຸຕິທໍາ ແລະ ປກຊ-ປກສ (ຄຍປປ) ສະພາປະຊາຊົນແຂວງ ອັດຕະປື ໃນການຈັດຕັ້ງປະຕິບັດວຽກງານໃນໄລຍຜ່ານມາ ຢູ່ກອງບັນຊາການ ປກສ ເມືອງ ພູວົງ, ເຊິ່ງໄດ້ນໍາໂດຍ ທ່ານ ນາງ ຈັນທະລີ ສີສຸວົງ ປະທານ ຄຍປປ ພ້ອມດ້ວຍຄະນະ ເຂົ້າຮ່ວມມີທ່ານ ພັທ ວົງລະຄອນ ປະທຸມມະແສງ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງພູວົງ ມີຄະນະກອງບັນຊາການ, ນາຍ ແລະ ພົນຕໍາຫລວດ ເຂົ້າຮ່ວມ.

ຕາມການລາຍງານໂດຍຫຍ້ໍຂອງ ທ່ານ ພັທ ພູຂັນ ສີທອງດໍາ ຮອງຫົວໜ້າກອງບັນຊາການ ປກສ ເມືອງ ຜູ້ຊີ້ນໍາວຽກງານຕໍາຫລວດ ຕໍ່ ຄຍປປ ກ່ຽວກັບບາງວຽກງານງານ ໃນ 6 ເດືອນຕົ້ນປີ 2022 ໃຫ້ຮູ້ວ່າ: ວຽກງານງານສະກັດກັ້ນຕ້ານຢາເສບຕິດ ໃນຄະດີຊື້ຄ້າ-ຂາຍ ເກີດຂື້ນ 17 ລາຍ, ຈັບຜູ້ຖືກສົງໃສ 18 ຄົນ,ຍິງ 3 ຄົນ, ຂອງກາງຢາບ້າຈໍານວນ 2,935 ເມັດ, ລົດຈັກ 1 ຄັນ, ໂທລະສັບ 12 ໜ່ວຍ, ສາຍຄໍສີເຫຼືອງຄ້າຍຄືຄໍາ 2 ເສັ້ນ, ຕ້າງຫູສີເຫຼືອງຄ້າຍຄືຄໍາ 3 ຄູ່, ເງີນສົດ 2,500,000 ກີບ, ມີນັກໂທດ 26 ຄົນ, ປ່ອຍຕົວແລ້ວ 12 ຄົນ ດັດສ້າງ 2 ຄົນ, ປັດຈຸບັນນັກໂທດຕ້ອງຫາ ແລະ ຜູ້ດັດສ້າງ ທັງໝົດ 14 ຄົນ, ຝາກຂຸມຂັງຂອງແຂວງ 8 ຄົນ, ນັກໂທດ 3 ຄົນ, ມີໜ້າຕົວຈິງຢູ່ຂຸມຂັງເມືອງ 6 ຄົນ, ຕ້ອງຫາ 6 ຄົນ.

ຕອນເຊົ້າຂອງວັນດ່ຽວກັນ ຄະນະກຳມະການຍຸຕິທໍາ ແລະ ປກຊ-ປກສ ຍັງໄດ້ຢ້ຽມຢາມ ແລະ ເກັບກໍາຂໍ້ມູນ ຢູ່ສູນດັດສ້າງ ຢາເສບຕິດ ຂອງ ກອງບັນຊາການ ປກສ ແຂວງ ຕື່ມອີກ.

(ພາບ-ຂ່າວ: ວິນັດ ສພຂ).