(ສພຊ) – ວັນຈັນທີ 30 ກັນຍາຜ່ານມາ ທີ່ສະພາແຫ່ງຊາດ, ⁠ບໍລິສັດ ຫຸ້ນສ່ວນລົງທຶນ ແລະ ພັດທະນາພະ ລັງງານ ຫວຽດນາມ-ລາວ (Công ty Cổ phần đầu tư và phát triển năng lượng Việt-Lào) ໄດ້ ນຳເງິນສົດ 4,008,500,000 ກີບ ແລະ ບໍລິສັດ 3 ບີ ກຣຸບ ຈຳກັດ (3B GROUP CO.,LTD) ໄດ້ນຳເງິນ ສົດ 2,000,000,000 ກີບ ມາມອບໃຫ້ສະພາແຫ່ງຊາດ ເພື່ອເປັນການປະກອບສ່ວນສະໜັບສະໜູນກອງປະຊຸມ ສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ເຊິ່ງກ່າວຮັບໂດຍທ່ານ ສຈ. ປອ. ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ມີຕາງໜ້າທັງສອງຝ່າຍເຂົ້າຮ່ວມເປັນສັກຂີພະຍານ.

(ນາງ ໄຊໂສພາພອນ ມິ່ງມຸງຄຸນ)