ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 

ໃນຕອນເຊົ້າ ວັນທີ 11 ສິງຫາ 2022 ກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງວຽງຈັນ ຊຸດທີ II ໂດຍການເປັນປະທານຂອງ ທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານຄະນະສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 10 ແຂວງວຽງ ຈັນ ມີບັນດາການນໍາຂອງແຂວງ, ສະມາຊິກສະພາແຫ່ງຊາດ ຊຸດທີ IX , ສະມາຊິກສະພາປະຊາຊົນແຂວງວຽງຈັນ ຊຸດທີ II ແລະ ພະນັກງານທີ່ກ່ຽວຂ້ອງເຂົ້າຮ່ວມ,ທ່ານ ພັທ ບຸນນໍາ ຈັນທອງສີ ຄະນະປະຈໍາ, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 10 ແຂວງວຽງຈັນ, ທັງເປັນປະທານຄະນະກໍາມະການຍຸຕິທໍາ ປກຊ-ປກສ ຕາງ ໜ້າຄະນະປະຈໍາສະພາປະຊາຊົນແຂວງ ໄດ້ປະກອບຄໍາເຫັນຕໍ່ບົດລາຍງານ ກ່ຽວກັບຄວາມຄືບໜ້າໃນການຈັດຕັ້ງ ປະຕິບັດວະລາແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ແຂວງ ວຽງ ຈັນ ແລະ ບົດລາຍງານການເຄື່ອນໄຫວບັນຫາພົ້ນເດັ່ນຂອງອົງການໄອຍະການປະຊາຊົນແຂວງ,ສານປະຊາຊົນແຂວງ ແລະ ພະແນກຍຸຕິທໍາແຂວງ ທີ່ໄດ້ຜ່ານຕໍ່ກອງປະຊຸມ ຈາກນັ້ນ ປະທານກອງປະຊຸມໄດ້ມີຄໍາເຈາະຈີ້ມ ແລະ ໃຫ້ທິດຊີ້ນໍາໃນການປະກອບຄໍາເຫັນ ຂອງບັນດາສະມາຊິກສະພາປະຊາ ຊົນແຂວງ ຢ່າງມີຈຸດສຸມ ເຊິ່ງການຄົ້ນຄວ້າປະກອບຄໍາຄິດຄໍາເຫັນດັ່ງກ່າວ ບັນດາສະມາຊິກສະ ພາປະຊາຊົນແຂວງກໍ່ໄດ້ຜັດ ປ່ຽນກັນຂຶ້ນປະກອບຄໍາເຫັນຢ່າງກົງໄປກົງມາ ແລະ ມີຫຼາກຫຼາຍເນື້ອໃນທີ່ຕິດພັນກັບການ ເຄື່ອນໄຫວຂອງພາກ ສ່ວນດັ່ງກ່າວ.