ຮັກສາການເລຂາໜ່ວຍພັກຮາກຖານ ກວທສ ສະພາແຫ່ງຊາດ; ໂດຍການເຂົ້າຮ່ວມຂອງສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສະພາແຫ່ງຊາດ; ມີຕາງໜ້າອົງການຈັດຕັ້ງມະຫາຊົນພາຍໃນສະພາແຫ່ງຊາດ ແລະ ບັນດາຜູ້ແທນເຂົ້າຮ່ວມກອງປະຊຸມ ພ້ອມດ້ວຍແຂກຖືກເຊີນ.
ກອງປະຊຸມໄດ້ເຫັນດີເປັນເອກະພາບໃນການຄົ້ນຄວ້າພິຈາລະນາ ແລະ ຮັບຮອງເອົາເນື້ອໃນທີ່ສຳຄັນຄື: ບົດລາຍງານການເມືອງ, ທິດທາງແຜນການ ແລະ ຄາດໝາຍສູ້ຊົນຂອງໜ່ວຍພັກຮາກຖານ ກວທສ; ບົດສຳຫລວດການນຳພາຂອງຄະນະພັກຊຸດເກົ່າ ໃນໄລຍະ 5 ປີຜ່ານມາ ເຊິ່ງໄດ້ສະຫລຸບຕີລາຄາການນໍາພາໃນດ້ານການເມືອງ-ແນວຄິດ, ການຈັດຕັ້ງແລະ ແບບແຜນວິທີການນຳພາ, ດ້ານການກໍ່ສ້າງ ແລະ ຂະຫຍາຍວຽກງານປ້ອງກັນພັກ, ດ້ານການຈັດຕັ້ງມະຫາຊົນ, ດ້ານການເງິນ ແລະ ການນຳພາດ້ານປະຕິບັດໜ້າທີ່ວິຊາສະເພາະ; ຈາກນັ້ນ, ຜູ້ແທນສົມບູນກອງປະຊຸມໃຫຍ່ ໄດ້ໃຊ້ສິດປະຊາທິປະໄຕຂອງຕົນປ່ອນບັດເລືອກຕັ້ງເອົາຄະນະໜ່ວຍພັກຮາກຖານ ກວທສ ສະໄໝທີ III ບົນພື້ນຖານຫລັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ໄດ້ກຳນົດໄວ້ ເຊິ່ງມີຜູ້ອອກຮັບສະໝັກເລືອກຕັ້ງ 7 ສະຫາຍ ຍິງ 3 ສະຫາຍ; ກອງປະຊຸມໄດ້ເລືອກຕັ້ງເອົາຄະນະໜ່ວຍພັກສະໄໝທີ III ໄດ້ຈໍານວນ 5 ສະຫາຍ ແລະ ໄດ້ເປີດກອງປະຊຸມຄັ້ງປະຖົມມະລືກຄົບຄະນະໜ່ວຍພັກຮາກຖານ ກວທສສະໄໝທີ III ເລືອກຕັ້ງເອົາສະຫາຍ ນາງ ທຸມມາລີ ວົງພະຈັນ ເປັນເລຂາໜ່ວຍພັກ; ສະຫາຍ ບຸນລ້ອມ ແກ້ວບົວໂຮມ ເປັນຮອງເລຂາໜ່ວຍພັກ; ສະຫາຍນາງ ມະນີວັນ ເຍຍປາວເຮີ ເປັນກຳມະການໜ່ວຍພັກ, ປະທານກວດກາພັກ; ສະຫາຍ ສົມເພັດ ຈິດຕະວັນ ເປັນກຳມະການໜ່ວຍພັກ, ຮອງປະທານກວດກາໜ່ວຍພັກ; ສະຫາຍ ບຸນສະຫວັນ ໄຊຍະວົງເປັນກໍາມະການໜ່ວຍພັກ ແລະ ເລືອກເອົາສະມາຊິກພັກສົມບູນ ໃນຈຳນວນ 16 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນ ຄັ້ງທີ IV ຂອງອົງຄະນະພັກສະພາແຫ່ງຊາດ; ໃນນັ້ນ, ໄດ້ເລືອກເອົາຜູ້ແທນສົມບູນ ຈຳນວນ 13 ສະຫາຍ, ຜູ້ແທນສຳຮອງຈຳນວນ 2 ສະຫາຍ ແລະ ກອງປະຊຸມຍັງໄດ້ຮັບຟັງການໂອ້ລົມຊີ້ທິດເຍືອງທາງແກ່ການດໍາເນີນຊີວິດການເມືອງຂອງບັນດາສະມາຊິກພັກຈາກສະຫາຍ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ເພື່ອໃຫ້ຄະນະໜ່ວຍພັກ ແລະ ສະມາຊິກໜ່ວຍພັກກໍາມາທິການວັດທະນະທໍາ-ສັງຄົມ ນໍາໄປຄົ້ນຄົ້ວຈັດຕັ້ງຜັນຂະຫຍາຍເຂົ້າສູ່ພຶດຕິກໍາຕົວຈິງ ເພື່ອເຮັດໃຫ້ໜ່ວຍພັກມີຄວາມປອດໃສ, ເຂັ້ມແຂງໜັກແໜ້ນ ແລະ ເປັນເສນາທິການໃຫ້ແກ່ຄະນະບໍລິຫານງານພັກສະພາແຫ່ງຊາດ ສະຫາຍມີຄວາມເຊື່ອໝັ້ນຕໍ່ຄະນະພັກຮາກຖານຊຸດໃໝ່ທີ່ຈະສືບຕໍ່-ນໍາພາ-ຊີ້ນໍາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ III ຂອງຄະນະໜ່ວຍພັກຮາກຖານກໍາມາທິການວັດທະນະທໍາ-ສັງຄົມໃຫ້ຍາດໄດ້ຜົນງານ ແລະ ມີຜົນສໍາເລັດໃໝ່ຍິ່ງໃຫຍ່ກວ່າເກົ່າ.
