ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສ​ພ​ຊ) ເພື່ອ​​ປຶກ​ສາ​ຫາ​ລືຕໍ່​ບົດສະ​ຫລຸບ​ຕີ​ລາ​ຄາ​ຜົນ​ສຳ​ເລັດ​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 2 ຂອງ​ສະ​ພາ​ແຫ່ງ​ຊາດ (ສພຊ) ຊຸດ​ທີ IX ໃນ​ຕອນ​ເຊົ້າ​ວັນ​ທີ 22 ພະ​ຈິກຜ່ານມາ ​​ທີ່​ ສພຊ ນ​ະ​ຄອນ​ຫລວງວຽງ​ຈັນ ໄດ້​ມີ​ກອງ​ປະ​ຊຸມຄະ​ນະ​ປະ​ຈໍາສະ​ພາ​ແຫ່ງ​ຊາດ ຮ່ວ​ມ​ກັບກອງ​ເລ​ຂາ​ນຸ​ການກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 2 ຂອງ​ ສພຊ ຊຸດ​ທີ IX ​ຜ່ານ​ຮູບ​ແບບ​ອອນ​ລາຍ ໂດຍ​ກາ​ນ​ເປັນ​ປະ​ທານ​ຂອງ​ທ່ານ ໄຊ​ສົມ​ພອນ ພົມ​ວິ​ຫານ ປະ​ທາ​ນ​ຄະ​ນະ​ປະ​ຈໍາ​ສະ​ພາ​ແຫ່ງ​ຊາດ, ປະທານສະພາແຫ່ງຊາດ; ​ມີ​ບັນ​ດາ​ທ່ານຄະ​ນະ​ປະ​ຈໍາ​ສະ​ພາ​ແຫ່ງ​ຊາດ, ກອງ​ເລ​ຂາ​ນຸ​ການກອງ​ປະ​ຊຸມ ພ້ອມ​ດ້ວຍ​ໜ່ວຍ​ງານ​ຕ່າງໆ​ທີ່​ກ່ຽວ​ຂ້ອງເຂົ້າ​ຮ່ວມ.

ໃນ​ວາ​ລະ​ກອງ​ປະ​ຊຸມ, ທ່ານ ສິ​ງ​ຄຳ ວົງ​ພະ​ຈັນ ຮອງ​ເລ​ຂາ​ທິ​ການ​ສ​ະ​ພາ​ແຫ່ງ​ຊາດ ຕາງ​ໜ້​າ​ໃຫ້ກອງ​ເລ​ຂາ​ນຸ​ການກອງ​ປະ​ຊຸມ ລາຍ​ງານ​​ຮ່າງ​ບົດ​ສະ​ຫລຸບ ຕີ​ລາຜົນ​ສຳ​ເລັດ​ຂອງ​ການ​ກະ​ກຽມ ແລະ ດຳ​ເນີນກອງ​ປະ​ຊຸມສະ​ໄໝ​ສາ​ມັນ​ເທື່ອ​ທີ 2 ຂອງ​ ສພຊ ຊຸດ​ທີ IX ​ເຊິ່ງ​ໄດ້​ຍົກ​ໃຫ້​ເຫັ​ນ​ຜົນ​ສຳ​ເລັດ​ຫລາຍ​ດ້ານ​ໃນ​ການ​ກະ​ກຽມ ແລະ ດຳ​ເນີນກອງ​ປະ​ຊຸມ​; ພ້ອມນັ້ນ, ຍັງ​ຍົກໃຫ້ເຫັນຜົນ​ໄດ້​ຮັບ​ດ້ານ​ເນື້ອ​ໃນ​ກອງ​ປະ​ຊຸມ, ສາເຫດ​ທີ່​ພາ​ໃຫ້​ມີ​ຈຸດ​ດີ​, ຂໍ້​ຄົງ​ຄ້າງ, ສາ​ເຫດ​ທີ່​ພາ​ໃຫ້​ມີ​ຂໍ້​ຄົງ​ຄ້າງ, ບົດ​ຮຽນ​ທີ່​ຖອດ​ຖອນ​ໄດ້ ແລະ ແຜນ​ວຽກ​ຈຸ​ດ​ສຸ​ມ​ພາຍ​ຫລັງ​ສຳ​ເລັດ​ກອງ​ປະ​ຊຸມ ແລະ ຄາ​ດ​ຄະ​ເນ​ແຜນ​ການ​ດຳ​ເນີນກອງ​ປ​ະ​ຊຸມ​ສະ​ໄໝ​ສາ​ມັນ​ເທື່ອ​ທີ 3 ຂອງ​ ສພຊ ຊຸດ​ທີ IX.

ຈາກນັ້ນ, ບັນ​ດາ​ຜູ້​ເຂົ້າ​ຮ່ວມກອງ​ປະ​ຊຸມ ໄດ້​ສຸມ​ໃສ່​ປຶກ​ສາ​ຫາ​ລື​, ປະ​ກ​ອບ​ຄຳ​ເຫັນ​ໃສ່​ເນື້ອ​ໃນ​ບົດ​ສະ​ຫລຸບ​ດັ່ງ​ກ່າວ ເພື່ອ​ເຮັດ​ໃຫ້ມີ​ເນື້ອ​ໃນ​​ຄົບ​ຖ້ວນ​ສົມ​ບູນ​ຍິ່ງ​ຂຶ້ນ ທັງ​ຄົ້​ນ​ຄວ້າ​ປຶກ​ສາ​ຫາ​ລື ກ່​ຽວ​ກັບ​ດ້ານ​ດີ​ທີ່​ຈະ​ສືບ​ຕໍ່​ປະ​ຕິ​ບັດ, ແກ້​ໄຂ​ຂອດຂໍ້​ຄົງ​ຄ້າງທີ່​ຍັງ​ມີ ແລະ ສາ​ມາດ​ນຳ​ເອົາ​ບົດ​ຮຽນ​ທີ່​ຖອດ​ຖອນ​ໄດ້​ໄປ​ປັບ​ໃຊ້​ເຂົ້າໃນກອງ​ປະ​ຊຸມ​ຄັ້ງ​ຕໍ່​ໄປ.

(ພາບ ແລະ ຂ່າວ:ນາງ ປາ​ກາ​ລັກພົມ​ມີ​ໄຊ)