(ສພຊ) – ຕອນບ່າຍວັນທີ 9 ກັນຍາຜ່ານມາ, ໜ່ວຍແມ່ຍິງກົມບໍລິຫານ-ພິທີການ ໄດ້ຈັດກອງປະຊຸມສະ ຫຼຸບຕີລາຄາການຈັດຕັ້ງປະຕິບັດວຽກງານໄລຍະຜ່ານມາ ພາຍໃຕ້ການເປັນປະທານຮ່ວມຂອງສະຫາຍ ຂັນທອງ ແພງສີໃຈ ຄະນະໜ່ວຍພັກກົມບໍລິຫານ-ພິທີການ, ສະຫາຍ ນາງ ຄໍາຫຼ້າ ສິດທະຈອນ ຄະນະບໍລິຫານງານສະຫະ ພັນແມ່ຍິງສະພາແຫ່ງຊາດ ແລະ ສະຫາຍ ນາງ ເຄືອວັນ ສຸດທະຈັກ ຮອງຫົວໜ້າໜ່ວຍແມ່ຍິງກົມບໍລິຫານ-ພິທີ ການ ໂດຍມີບັນດາສະຫາຍຄະນະໜ່ວຍແມ່ຍິງທີ່ຂຶ້ນກັບຄະນະເລຂາທິການສະພາແຫ່ງຊາດ, ຕາງໜ້າອົງການຈັດ ຕັ້ງມະຫາຊົນພາຍໃນກົມດັ່ງກ່າວເຂົ້າຮ່ວມ.

ກອງປະຊຸມໄດ້ພິຈາລະນາ ແລະ ຮັບຮອງເອົາບົດສະຫຼຸບການເຄື່ອນໄຫວວຽກງານໄລຍະຜ່ານມາ (2018-2024) ແລະ ທິດທາງແຜນການ 5 ປີຕໍ່ໜ້າ ຂອງໜ່ວຍແມ່ຍິງກົມບໍລິຫານ-ພິທີການ, ບົດສໍາຫຼວດການນໍາພາລວມຂອງຄະນະໜ່ວຍຊຸດເກົ່າ; ຜ່ານຂໍ້ຕົກລົງຂອງຄະນະບໍລິຫານງານສະຫະພັນແມ່ຍິງສະພາແຫ່ງຊາດ ວ່າດ້ວຍການຮັບຮອງເອົາຄະນະໜ່ວຍແມ່ຍິງກົມບໍລິຫານ-ພິທີການ ຊຸດໃໝ່ ຄື: ສະຫາຍ ນາງ ຄໍາຜີວ ພິມມະຈັກ ເປັນຫົວໜ້າ, ສະຫາຍ ນາງ ຈັນທະລາ ໄຊຍະວົງ ເປັນຮອງຫົວໜ້າ ແລະ ສະຫາຍ ນາງ ແກ້ວມະນີ ໄຊຍະເດດ ເປັນຄະນະ.

ຕອນທ້າຍກອງປະຊຸມ, ໄດ້ຮັບຟັງການໂອ້ລົມຈາກສະຫາຍ ຂັນທອງ ແພງສີໃຈ ເຊິ່ງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ພ້ອມທັງຮຽກຮ້ອງມາຍັງຄະນະໜ່ວຍ ແລະ ສະມາຊິກພາຍໃນໜ່ວຍ ເອົາໃຈໃສ່ເຕົ້າໂຮມຄວາມສາມັກຄີ, ເຂົ້າຮ່ວມຂະບວນການຂອງອົງການຈັດຕັ້ງມະຫາຊົນຢ່າງປົກ ກະຕິ; ຕັ້ງໜ້າປະຕິບັດຂໍ້ແຂ່ງຂັນ 3 ດີຂອງແມ່ຍິງລາວ ຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ເຊິ່ງເປັນພື້ນຖານປັດໄຈສໍາຄັນເພື່ອເຮັດໃຫ້ໜ່ວຍແມ່ຍິງສາມາດຍາດໄດ້ຜົນງານໃໝ່ໃຫຍ່ກວ່າເກົ່າ.

(ສອນສັກ ວັນວິໄຊ)