ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍຂອງວັນທີ 14 ມີນາ 2022 ໜ່ວຍພັກ ສະພາປະຊາຊົນແຂວງ ອຸດົມໄຊ ໄດ້ຈັດພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງຂຶ້ນ, ຢູ່ທີ່ຫ້ອງປະຊຸມ ສພຂ,  ໂດຍການເປັນປະທານຂອງສະຫາຍ ທອງຄານ ວັດສະດາກອນ ເລຂາຫນ່ວຍພັກ ສພຂ, ໃຫ້ກຽດເຂົ້າຮ່ວມພິທີມີສະຫາຍ ຄໍາດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະທານ ສພຂ, ມີບັນດາສະຫາຍຄະນະພັກ, ສະມາຊິກພັກສົມບູນ/ສໍາຮອງພາຍໃນໜ່ວຍພັກ ສພຂ ເຂົ້າຮ່ວມຢ່າງພ້ອມພຽງ.

               ໃນພິທີ, ພາຍຫຼັງຄະນະຈັດຕັ້ງໄດ້ກ່າວຈຸດປະສົງ, ສະຫາຍ ທອງໄຊ ທໍ່ຈົງເລຍຈີ່ ຄະນະພັກ ໄດ້ຜ່ານມະຕິຂອງຄະນະປະຈໍາພັກແຂວງ ວ່າດ້ວຍການອະນຸມັດຮັບເອົາມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ(ສໍາຮອງ)ຈໍານວນ 3 ສະຫາຍ, ຍິງ 1 ສະຫາຍ.   ຫຼັງຈາກນັ້ນ, ພິທີໄດ້ຮັບຟັງການໂອ້ລົມຈາກສະຫາຍເລຂາໜ່ວຍພັກສະພາປະຊາຊົນແຂວງໂດຍສະຫາຍໄດ້ເນັ້ນໜັກໃຫ້ສະມາຊິກພັກ(ສຳຮອງ)ຍົກສູງວຽກງານການເມືອງແນວຄິດຂອງຕົນເອງ, ບຸກບືນປະຕິບັດກົດລະບຽບຂອງພັກປະຊາຊົນປະຕິວັດລາວ-ກົດຫມາຍຂອງລັດ, ຝຶກຝົນຫລໍ່ຫລອມຕົນເອງໃຫ້ກາຍເປັນສະມາຊິກພັກສົມບູນ, ເຂົ້າຮ່ວມດໍາເນີນຊີວິດແຕ່ລະເດືອນ, ເສຍເງິນສະຕິໃຫ້ປົກກະຕິ, ເຂົ້າຮ່ວມບັນດາວຽກງານຂອງອົງການຈັດຕັ້ງມະຫາຊົນ, ເສີມຂະຫຍາຍຄວາມສາມັກຄີຊ່ວຍເຫລືອເຊິ່ງກັນ ແລະ ກັນ ໃນອົງການຈັດຕັ້ງ, ໃນສັງຄົມ ແລະ ສືບຕໍ່ປະຕິບັດຫນ້າທີ່ວຽກງານວິຊາສະເພາະທີ່ຕົນໄດ້ຮັບມອບຫມາຍໃຫ້ສໍາເລັດຜົນເທື່ອລະກ້າວໆ ພ້ອມດຽວກັນນັ້ນສະມາຊິກພັກສຳຮອງ ໄດ້ຂຶ້ນປະຕິຍານຕົນ ແລະ ຮັບເອົາຄຳໂອ້ລົມດັ່ງກ່າວຂອງສະຫາຍເລຂາໜ່ວຍພັກສະພາປະຊາຊົນແຂວງຕື່ມອີກ.

ພາບ, ຂ່າວ: ແສງພອນ ອິນນະລົງ.